Roma 14:1 - Allah Wene Hurumbik Keron

¹ Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 14:1 ပူးပေါင်းရင်းမြစ်များ

Matius 12:20

Aren it aphe findi korlorohon neken werehon epmano mondog yombuk suhu fug-o, eke it aphe hondok ambulpul dorat laharukon neken werehon epmano nangguk suhu fug-o. Eke fano surukon etno su amag ulug eyabuk etno suruk aruhumu, it yi aphe di aphe obohen,

Matius 14:31

At Yesus ik ahumu inggik belapfuruk apareg, senoko minduhupfebag. Minduhupfuruk apareg, yig ituk wilil, “Hat hindi biren ahenteg fam, An nobam dorat ebetuk ahen hihi-o,” ulug yig epag.

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Markus 7:19

Orom naruk fano oke, ninindimu kuruk eleg-o. Arikon etno ninahum famen wilip atuk oke, orom naruk ahe etnowen dag seko ninombisaharuk eleg du haruk ahep?” ulug yig isebag. Ariroho yig isebag ari, orom inim, yi angge di angge inim nao ari fano at-o,” ulug yig isebag.

Lukas 17:2

It ariroho suhubon epmano helep suon inanggolop fam liloko ik laut ahumu belap inaplepmen fano-o. Iren it aphe yuhun-at werehon epmanowen dag sukag ulug inindi kahalik wam nowen ulug ariroho ikma belap inaplepmen fano-o.

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Kisah Para Rasul 28:2

Holtuk atukukseg weregma, osit suon misig ninaruk atisimu, sohiken suruk nisaruk atusareg, it aphe o epma werehon epmanowen ninabua nisaruk wilil, hondok suon monggaloko sohik yet ninaptusa.

Roma 11:15

Eke it hag ambit isarisireg fam, it ap kweanma obog o ahik ya da werehon epmano At Allahen fanoroho ninim welamuhuken ulug dambuk inaptisi-o. Eke ari fam, Aren it Yahudi ap inebe epmano ahmu isaruk halug, it aphe warehon inilukep isaruk etno hag inilukep isahu-o.

Roma 14:2

Eke at misig indi fanoroho ebetukon halug, yi angge di angge obog naruk oke, at indi oag elehon etno yi angge di angge we engga-at naruk-o.

Roma 14:21

Eke at hinomin indi oag elehon etno bule amburuk etno hag dag suk nowen ulug, hit wam inu epmano inim, e anggen ambusu epmano inim na fug ulug hinahla buruk am ari fano at-o.

Roma 14:3

Eke at yi angge di angge obog-at narukon etnowen at engga-at narukon etno ambit haruk am nowen-o. Eke at engga-at narukon etnowen at yi angge di angge obog-at narukon epmano oag deloko umbuk ari hai-o. Eke At Allahen it obog-at nudaki ulug heako imbisarisi-o.

Roma 15:1

Eke nit At Allah obam ebetuk wilil, ninindi oag weregsoho welaheon epmanowen it ninomini inindi oag eleg heheg angginon inobam werehon epmano yalmag inabuk ari fano at-o. Eke nit ninahien huog ulug sukon etno sohorep isalug,

Roma 15:7

Eke ari halug, At Kristusen ahmu hisebag etno hag, hiren At Allah inuk suontepfuog ulug hit hit nabua habua suruk amuk-o.

Roma 4:19

Eke at Abraham etno ebe horog seratus tahun-at welapareg oke, nebe arat nanggog atikikseg fam horog warariog ulug welahi-o ulug ahla buk sohorep isalug, At Allahen yig epahon etno-at indi ebepag-o. Eke at uhwe Sara etno ebe mondog anggog atisireg fam, udag endebuk hai-o ulug ahla ebepag fug-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

Filipi 2:29

Eke ari halug, hit hinahien haruk wilil, at ninomin ninim Allah wene waruk aheon etno waha-o, ulug heahi wabuhup-o. Eke it ap nin at ebe ilitoho halug, du ap fanowon at-o, ulug ininuk suontepfuruk amuk-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

Ibrani 5:14

Eke it naruk angge arikon narukon ari, ap inanggohon neken wereg-o. Eke it ap inanggohon etno hag, inindi wereg wilil, du dag du fano ulug fultukon etno iniluk atisi-o.

2 Yohanes 1:10

At Kristusen yig nisebahon etno ilitoho yig hisalug eleg hinambeg waharuk isalug, ninim nohuk, ulug yig isa fug-o. Eke an nibam kik ma, ulug hinune fanoroho yig isa fug-o.