Roma 13:9 - Allah Wene Hurumbik Keron

⁹ Eke wene duroho suruk amuk eke duroho suruk am fug ulug ebahon etno yig nisaruk wilil, “Hwe ap inuhweon diloko wa fug-o, eke ap wabuk fug-o, eke yi angge di angge hinalomnangge herahuk fug-o, eke ap inaharek epmano hulik ulug hinahla buk fug-o, ulug ariroho komo yig nisebahon etno alem neken wene misig du wereg-o, eke hit hinebe hinonggarehen hinabua saruk ahep etno hag, it hinomini hinim welahebon epmano fanoroho inabua suruk amuk-o,” ulug yig nisaruk-o.

Roma 13:9 ပူးပေါင်းရင်းမြစ်များ

Matius 22:39

Eke alem suon misig ilitoho-at yig nisaruk ari, hit hinonggarehen hinabua saruk ahep etno hag, hinomini hinim welahebon epmano inim inabua isaruk amuk-o, ulug alem suon neken misig ari yig nisaruk-o.

Markus 10:19

Ari halug, wene duroho suruk amuk eke duroho suruk am fug ulug ebahon etno hiluk-o. Ap wabuk fug-o. Eke hwe ap uhweon diloko wa fug-o. Eke hinalomnangge herahuk fug-o. Eke hinenggal wene ap inobam denggeluk fug-o. Ariroho suruk imbisalug hiniknisi hinisasi inune-at fanoroho holtuk wilil, suontep isaruk amuk-o,” ulug yig epag.

Markus 12:31

Eke alem suon misig yig hisamin-o. Hit hinonggarehen hinabua saruk ahep etno hag, hinomini hinim welahebon inim inabua isaruk amuk-o, ulug wene yig nisebahon etno inim alem suon neken misig ari wereg-o. Ari halug, wene duroho suruk amuk eke duroho suruk am fug ulug yig nisebahon etno alem suon neken biren eta-at wereg-o,” ulug yig isebag.

Lukas 10:27

at ap etnowen yig ituk wilil, “Alem misig ari Hinikni Allah hinim hinindi hunduhuk welahep ari fam, hinobabut fanoroho suruk wilil, hinoag weregsoho hinim welamuk-o, ulug alem misig ari yig hirihi-o. Eke alem misig ari, hit hinebe fano welamuog ulug suruk ahep ari hag, it hinomini hinim fanoroho hinindi hunduhuk welamuk-o, ulug alem misig ari yig hirihi-o,” ulug yig ituk apagma,

Lukas 18:20

Ari halug, wene duroho suruk amuk eke duroho suruk am fug ulug ebahon etno hiluk-o. Hwe ap uhweon diloko wa fug-o. Ap wabuk fug-o. Eke hinalomnangge herahuk fug-o. Eke hinenggal-at wene ap inobam denggeluk fug-o. Ariroho suruk imbisalug, hiniknisi hinisasi inune-at fanoroho holtuk wilil, suontep isaruk amuk-o,” ulug yig epag.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.