Roma 13:7 - Allah Wene Hurumbik Keron

⁷ Eke ariroho suruk ari hag, uang etno ilitoho-at umburuk amuk-o. Ariroho suruk wilil, kwalem onggo etno inim-at umburuk amuk-o. Eke hit ariroho surukon epmano hinakoltoho wilil, it obog-at suontep isaruk amuk-o.

Roma 13:7 ပူးပေါင်းရင်းမြစ်များ

Matius 17:25

“Onggo umburuk at-o,” ulug yig epag. Yig ituk apareg, at Petrus etno uma kebag. Kuruk apagma, At Yesusen yig ituk wilil, “Simon wai, haren nin yanggul nimin-o. It kweanma inowesi suon epmano sandehen onggo og isaruk ulug buruk ahen? It ini werehonen og isaruk buruk ahen ano, eke it husowonen og isaruk buruk ahen ano?” ulug yig ituk apagma,

Matius 22:21

“Ari at Kaisar olohore-at wereg-o,” ulug yig epag. Yig ituk apagma, At Yesus etnowen yig isaruk wilil, “Ari halug, at Kaisaren angge epmano at Kaisar-at og ituk amuk-o. Eke At Allahen angge epmano At Allah-at og ituk amuk-o,” ulug yig isaruk apagma,

Markus 12:17

ulug yig ituk apagma, At Yesus etnowen yig isaruk wilil, “Ari halug, at Kaisaren angge epmano at Kaisar-at og ituk amuk-o. Eke At Allahen angge epmano At Allah-at og ituk amuk-o,” ulug yig isaruk apagma, it aphe epmanowen At ebe fog sebag.

Lukas 20:22

Ari halug, at Kaisar inowe inuk suon etnowen uang anggen og nimiek-o ulug uruk halug, og imuk ano, sohorep isuk ano, Haren yig nisimin-o,” ulug yig ituk apagma,

Lukas 20:25

At Yesusen yig isaruk wilil, “Ari halug, at Kaisaren angge epmano at Kaisar-at og ituk amuk-o. Eke At Allahen angge epmano At Allah-at og ituk amuk-o,” ulug yig isebag.

Lukas 23:2

Imbik laruk apareg, inune dahon epmano obam denggeltuk wilil uruk apag, “At ap duen Kaisar ahauang anggen etno og um fug-o, An nakeleg-at Hinowe suon Kristus welahi-o, ulug it aphe duma enggal neken yig isarukmu ebe senetukuk-o,” ulug yig ituk apagma, eke at Pilatus etnowen hinog waruk wilil, “It Yahudi ap Inowe suon etno Hat-at ano?”

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

Roma 13:6

Eke ari halug, it ap wene baltukon arien yabuk surukon epmano onggo neken uang umburuk ahep-o. Eke it ineyabuk dombog-at suruk ari, At Allah anggimbu-at wilil suruk-o.

Efesus 5:33

Eke ariroho yig nisaruk oke, eke hit ariroho welamon etno inim-at yig hisaruk-o, eke ari halug, it aben inonggareg inaso wereg etno hag inuhwesi inindi hunduhuk welamag-o, eke it hweaben inahuni inune holtuk amag-o.

Efesus 6:5

Eke hit ap inanggimbu ari, it ap hiniknisi etno hinakoltoho wilil inune holtuk amuk-o. Eke hit At Kristus anggimbu welahep etno hag, hinindi seberoho wilil, it hiniknisi inune holtuk amuk-o.

1 Timotius 5:13

aphe inibam ya keheg sil nuruk wilil, inune inambiliken yuhun-at eheg, eke iren wene uk sohorep isawon etno eheg sil nuruk-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

1 Timotius 6:1

Eke it aphe inanggimbu neken werehon epmanowen iniknisi ininuk suontepfuruk amag-o. Eke At Allah inuk etno inim, eke wene yanggul isaruk aheon etno inim it aphe werlekonen seberoho umbuk nowen ulug it aphe inanggimbu epmanowen iniknisi inune holtuk wilil, an nikni ari ninim Allah wene waruk wilil, at omin-at welahe-o, ulug inambit heheg eleg-at uruk amag-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.