Roma 13:2 - Allah Wene Hurumbik Keron

² Eke ari fam, at ap misihen it inowesi pemerintah inune epmano sahaltuk halug, At Allahen minduhup isarision epmano at inune sahaltuk-o. Eke at ap misihen ariroho suruk halug, fobik ebe dag ariog ulug onggarehen-at oag del saruk-o.

Roma 13:2 ပူးပေါင်းရင်းမြစ်များ

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Markus 12:40

Ariroho suruk wilil, it hweap suhweon epmano inibam kulug inaharek holeheg eke yamintal neken uruk wilil sembahyang yaron eheg, suruk ari fam inebe oag deloko o dagma-at imbisahu-o,” ulug yig isebag.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Roma 13:1

Eke it yi aphe di aphe obohen it inowesi pemerintah epmano inune inesanggo holukag-o. Eke At Allahen it inowesi pemerintah epmano wene baltuk amag ulug minduhup isarisi fuhon misig wereg eleg-o. Eke it pemerintah wene baltukon wereg epmano At Allahen-at minduhup isarisi-o.

Roma 13:3

Eke it inowesi pemerintah epmano it aphe fano surukon epmanowen inakol isawag ulug minduhup isarisi fug-o. It aphe dag surukon epmanowen-at inakol isawag ulug minduhup isarisi-o. Eke hiren it inowesi pemerintah epmano ninakol isehe ha nowen ulug, fanowon epmano-at suruk amuk-o. Ariroho suruk hisalug, suontep hisahakup-o.

Roma 13:5

Eke ari fam, it inowesi pemerintah epmano inune hinesanggo holtuk amuk-o. Eke ariroho holtuk wilil, onggo imbiek ulug yig hisawon etno inim, eke inuneyen ariroho siek ulug yig hisarukon etno inim, obog-at hinindi ebetuk wilil, hinesanggo holtuk amuk-o.

Roma 9:19

Eke ari fam, hat misihen an yig nituk wilil, “Ehenon etno demat halug, At Allahen ap du dag suruk ulug keroho yig ituk-o? Eke At Allahen ahla burukon etno ilitoho suk nowen ulug hairepfuk ari ap sa hag oag wereg-o?” ulug ariroho yig nituk ahen halug,

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Yakobus 3:1

Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

1 Petrus 2:13

Ari halug, At Ninowe inuk fam it ap suon werehon epmano inapma welamiek-o.