Roma 13:12 - Allah Wene Hurumbik Keron

¹² Eke o hubanggo welamon etno arat eleg ariog ulug suruk ari fam, o seleg etno wariog ulug suruk-o. Eke ari halug, niren it o hubanggo werehon epmanowen surukon epmano sohorep isalug, o ilingge wilil surukon etno ninasehen ninasing wereg epmano hag sen salug welamuk-o.

Roma 13:12 ပူးပေါင်းရင်းမြစ်များ

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

1 Korintus 10:11

Eke iren suruk apahon epmano it aphe ninen inilanggen isawag ulug ariroho seg apag-o. Eke nit o kweanma eleg amon etno horog fanggog ik wahareg fam suruk aheon etno ninindi ebebukag ulug wene du iren bilin sebahon epmano holal balfag-o.

1 Korintus 7:29

An ariroho yig hisaruk ahion ari, kwean duma olohore ket amon etno fanggog uruk ari fam yig hisihi-o. Eke kidia it inuhwesi werehon epmano inuhwesi elehon neken welamag-o. Eke it ioba yatukon epmano ioba yatuk elehon neken welamag-o.

2 Korintus 10:4

Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.

2 Korintus 6:7

Eke At Roh Kudusen yig nisarukmu yig isaruk aheon etno inim, eke aphe ninim demat ninindi hunduhuk welaheon etno inim, eke wene demat urukon yig isaruk aheon etno inim, eke At Allah oag fam ninoag weregsoho suruk aheon etno inim, niren obog-at suruk wilil yanggul isil nuruk ahe-o. Eke ininggik bikit fil warukon etno inim, eke ininggik harebag fil werehon etno inim ilitoho-at walug wim abil laruk apag etno hag, nit motoho suruk amon etno-at walug sil nuruk ahe-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Efesus 5:11

Eke it aphe o hikmu wilil, yi angge di angge ebe elehon surukon etno hinim welam fug-o. Eke it o hikmuen surukon epmano o seleg etno fam inaren balepfuruk amuhukseg, dag sehep ulug yig isaruk amuk-o.

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

Yakobus 5:8

hit ari ilitoho At Ninowe horog fanggog ik wamon etno aso welamiek-o, nomini.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

Wahyu 1:3

it buku du inilanggen haruk wilil wane surukon epmano inim, eke it hurumbik ebahon du inesanggo holtukon inim, eke it buku du fam weregma ilitoho surukon epmano inim, obog-at inahien ha­wag-o. Eke kidia hurumbik ebahon atog ilitoho sukon etno fanggog ik wariog ulug suruk-o.

Wahyu 22:10

Ariroho yig nituk atisireg, eke fobik yig nituk wilil, “Hurumbik holal baleg du fam imbirikinon etno herahoma umbuk fug-o. Hurumbik suhuon etno fanggog ehek-o.