Roma 13:1 - Allah Wene Hurumbik Keron

¹ Eke it yi aphe di aphe obohen it inowesi pemerintah epmano inune inesanggo holukag-o. Eke At Allahen it inowesi pemerintah epmano wene baltuk amag ulug minduhup isarisi fuhon misig wereg eleg-o. Eke it pemerintah wene baltukon wereg epmano At Allahen-at minduhup isarisi-o.

Roma 13:1 ပူးပေါင်းရင်းမြစ်များ

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Roma 12:21

Ari halug, iren dahon epmano hinobam umburuk isalug, hiren onggo wahup etno fam seberep hisahuk nowen ulug yig hisihi-o. Eke iren dag surukon hag hiren fano sukon etno fam seberep isaruk amuk-o.

Roma 13:2

Eke ari fam, at ap misihen it inowesi pemerintah inune epmano sahaltuk halug, At Allahen minduhup isarision epmano at inune sahaltuk-o. Eke at ap misihen ariroho suruk halug, fobik ebe dag ariog ulug onggarehen-at oag del saruk-o.

Efesus 5:21

Eke hit obog-at Kristus hinakoltoho welahebon epmano hit hit napma hapma wilil seberoho welamuk-o.

1 Timotius 2:2

Eke nit fano mondog wilil, Allah wene weheg eke ninobabut fanoroho seheg suruk amuhuken ulug, it ap suon-suon inim, eke it yi aphe di aphe inowesi epmano inim inake sembahyang uruk amuk-o.

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Yudas 1:8

It ap dag surukon epmano noho neken uruk wilil, “At Allah suon ano?” ulug uruk-o. It malaikat boholma suon werehon epmano inenggal-at uruk-o ulug inambilik butuk yig isaruk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.