Roma 12:6 - Allah Wene Hurumbik Keron

⁶ Eke ari halug, At Allahen ninabua nisaruk wilil, nineyabuk ninakeleg sik og nisarision epmano-at suruk amuk-o. Eke Allah wene etno yig isaruk amag ulug nineyabuk og nisarisi halug, niren demat ulug ninahla buruk aheon etno ilitoho-at yig isaruk amuk-o.

Roma 12:6 ပူးပေါင်းရင်းမြစ်များ

Matius 23:34

Ari halug, Anden yig hisamin-o. Anden it nabi ap inim, it ap inindi enggaron inim, eke it yanggul isarukon epmano inim hinambeg lahap isahukmu, hiren nin warep iseheg, it nin e fam lenggalep isalug paku waroko imbiseheg, eke it nin hit wene uruk ahep ambeg epmanowen hele lambisog war inabeheg, eke it nin o misihen muko wilip iseheg, o misihen wilip iseheg suruk amuhup-o.

Matius 25:22

Yig ituk apagma, at anggimbu misig dua ribu og epahon etno kuruk apareg, uang anggen dua ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen dua ribu og nitikinon etno anden dua ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 15:32

Inahien haruk apagma, it Yudas Silas Allah wene yig isarukon etano inomini inim ininggik anggolo wilil, it epmano inoag wereg amag ulug, Allah wene yig isaruk apag.

Kisah Para Rasul 2:17

At Allahen yig isaruk wilil, ‘Anden fobik suhukon etno, Roh Kudus it yi aphe di aphe inobam belabik waruhuk-o. Hit hinudaki ap angge, hweap angge inim Allah wene uruk amuhup-o. It hinudaki elege epmano noho firin-firin neken hahup-o. It hiniknisi inanggohon epmano ini og hahup-o.

Kisah Para Rasul 21:9

Eke at Filipus etno aholani inebe empat duhumon wilil iren Allah wene yig isaruk atusa.

Roma 1:11

Ariroho uruk ahi ari, hit hinindi oag weregsoho welamon wene etno-at yig hisa wariog ulug nindimuen sembahyang uruk ahi-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

1 Korintus 12:18

Ari eleg-o. At Allah indi ebetuk apareg, ninebe ninobam werehon obog-at wal nisebag-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

1 Korintus 14:1

Eke ari halug, aphe hinim hinindi hunduhuk welamon etno huluog ulug suruk amiek-o. Eke At Roh Kudusen og hisarukon etno hinindi ebetuk wilil, holaruk amiek-o. Eke Allah wene hinindimuen walug yig isaruk amon etno inim mondog hinahientoho holaruk amiek-o.

1 Korintus 14:24

Eke hit obog Allah wene akeleg-at uruk hisalug, ap werlekon Allah wene apelehon misig kik waruhureg, hiren uhubon epmano esanggo holtug, an nebe dag suruk ahion-at-o, ulug ahla buhu-o. Ahla buruk aruhureg, esanggo holuhuon etno fam oag del saruk wilil,

1 Korintus 14:29

Eke it Allah wene inindimuen walug yig isarukon epmano, it biren henahanen uruk iseheg, it ninen keroho uruk ulug inesanggo holtuk amag-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

1 Korintus 7:7

Eke it ap obog an ilitoho welatlep fano ulug buruk ahion oke, At Allah indi hunduhuken ninakeleg sik og nisarukmu, at misihen yiroho seheg, at misihen diroho seheg suruk amag ulug og nisaruk-o.

2 Korintus 8:12

Eke hit hinaharek anggolo werehon epmano anggolo embeheg, eke hit hinaharek dorat werehon epmano dorat embeheg suruk hisalug, At Allah ahien hisahu-o. Eke hit hinaharek elehon epmano dorat embehep ulug winimug hisahu fug-o.

Efesus 3:5

Eke o amuk wene heraho welapahon etno aphe yig isebag fug oke, kidia At Allahen Roh Kudus etno fam it At awene yig isil lawag ulug mondep isebahon epmano inim, eke it nabi epmano inim bukaloko yig isarisi-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Filipi 3:15

Eke anden yig hisihi etno hag, hit obog Allah wene fanoroho waruk ahebon epmano hinobabut arion-at welamuk-o. Eke hinobabut ninon welahebon halug, At Allahen dindiloko yanggul hisahu-o.

1 Tesalonika 5:20

Eke it aben Allah wene yig hisamin ulug demat uruk halug, ninambit uk fug-o.

2 Petrus 1:20

Selehap ninaptukon oke, ninonggarehen hurumbik ebahon etno fanoroho holtuk ahe fug-o.