Roma 12:5 - Allah Wene Hurumbik Keron

⁵ Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

Roma 12:5 ပူးပေါင်းရင်းမြစ်များ

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Roma 12:4

Eke ninebe etno fano weregma eke nit ninobam werehon etnowen ineyabuk inakeleg sik-at suruk-o.

1 Korintus 10:17

Eke orom roti ebe misig-at oke, nit obog orom roti ari dot dot menag nisarukmu naruk ahe-o. Eke nit aphe anggolo-at oke, ninebe misig-at welahe-o.

1 Korintus 10:33

Eke an yi seheg, di seheg suruk wilil, it ap obohen inahien hawag ulug suruk ahi-o. Eke an yi angge di angge og nemag ulug heahil sil nuruk ahi fug-o. Eke it aphe obog inili holeheg, eke fanowon etno holeheg suruk amag ulug suruk ahi-o.

1 Korintus 12:20

Eke kidia ninebe ninobam werehon epmano anggolo wereg-at oke, ninebe misig-at welahe-o.

1 Korintus 6:15

Eke hit hinebe epmano At Kristus ebe inggik iog neken welahep ari hit hiniluk-o. Eke ap misig At Kristus ebe atog neken werehon etno dikiksoho walug, hwe ap misig ohopfeheg sil nurukon etno inim hundubuk ari fano behep ano? Ari mondog hai-o.

Efesus 1:23

Ariroho wereg iseheg, eke At Kristus yi angge di angge obog werehep isarukon epmano At udaki inim wilil inebe misig-at wereg-o.

Efesus 4:12

Eke ariroho minduhup isarisi ari, At Allah udaki epmanowen yabuk fanowon etno suruk amag ulug yanggul iseheg, eke it At Kristus ebe neken werehon epmano inoag werehep iseheg suruk amag ulug minduhup isarisi-o.

Efesus 4:25

Eke ari halug, aphe hinenggal yig isawon etno dahon neken loloko imbiuk-o. Ariroho loloko umbulug, eke hit obohen hinomini wene demat yig isaruk amuk-o. Eke nit ninebe obog-At Kristus ebe misig-at welahe-o.

Efesus 5:23

Eke At Kristus At udaki At ebe neken werehon epmano inili og inapareg fam, At etno it inungguluag neken wereg etno hag, at hwe etno ungguluag neken ahun-at wereg-o.

Efesus 5:30

Eke At Kristus ebe etno nit-at welahe-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 2:19

Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.