Roma 12:3 - Allah Wene Hurumbik Keron

³ Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 12:3 ပူးပေါင်းရင်းမြစ်များ

Lukas 18:11

at Farisi ap etno akeleg-at minatlug sembahyang uruk wilil, ‘Nikni Allah wai, it aphe ninen yi angge di angge herahakeg, inenggal wene eheg, dag seheg suruk epmano hag, an ariroho suruk ahi fuhon etnowen Nikni wa, ulug yig hituk ahi-o. Ari, at ap uang onggo kino urukon duen suruk etno hag anden suruk eleg wilil, Nikni wa ulug yig hituk ahi-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 3:10

Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 7:17

Eke At Ninowe inuk suon etnowen aphe obog ninakeleg sik sumbut nisebag-o. Eke At Allahen ninakeleg ninakeleg-at wol nisebareg, og nisebahon etno hit aphe Allah udakion obog ilitoho-at sil nuruk amag ulug yanggul hisaruk ahi.

2 Korintus 10:13

Ariroho surukon oke, nit hag ninowalangge wereg halug, yuhun-at suontepatahuk fug-o. Eke At Allahen yabuk ariroho siuk ulug nit ninowalangge neken og nisarisireg fam, hit hinindi yabuk suog ulug hinambeg waharukuk-o.

2 Korintus 12:13

Eke an alem misig sirikikon fam hiren nobam napelegsoho hinapma nombahuog ulug suruk ahep ano? Eke hiren it aphe demat ulug ebetukon ninon hag inindi yabuk anggolo seheg, eke nit hag ninindi yabuk dorat seheg suruk atisi buruk ahep ano? An ariroho sirikikon etno onggo og nemag ulug yig hisarikik fug ari hiren nobam napelegsoho hinapma nombahiek-da. Eke an hiren og nemag ulug wene misig ari yig hisarikik fug-o. Ariroho yig hisarikik fug ari fam hiren nobam napelegsoho hinapma nombahuog ulug suruk ahep halug siek-da.

2 Korintus 12:7

Eke an yi angge di angge elalintoho surukmu haruk seyahon epmano fam suontepata nowen ulug, e alog enggaron etno fam watawag ulug uk suon neken nobam nombaharisi-o. Ariroho nobam nombaharisireg fam, at iblis o malaikaren inusuruk etno hag inggik samurlinggilig nowatuk wilil, an nebe suontepata nowen ulug uk etnowen dorontep naharuk-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

Efesus 3:2

Eke At Allahen nabua nearuk wilil, hit hinake yabuk sukag ulug minduhup naharisi etno arat hinesanggo holtikip-o.

Efesus 3:4

at Paulusen Kristus awene heraho welapahon etno duroho yanggul nisarisi-o ulug hinahla buhup-o.

Efesus 4:16

Eke At Kristus etno At udaki inungguluag neken wilil, it At ebe inggik iog neken werehon etno fano dambuksoho wereg isalug, omanggen imbirision etno famen ebe misig-at wereg-o. Ariroho weregma, eke it enggangga epmanowen ineyabuk dombog suruk wilil, it inomini inindi hunduhuk wereg isalug, ebe etno fanoroho su atuk-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

1 Timotius 1:14

Nabua nearuk atisireg, At Ninowe etnowen nit At Kristus Yesus ninim welaheon epmano Aren angge anggolo og nisarisireg, Allah wene demat ulug ebetukon etno inim, eke aphe ninindi hunduhuk welaheon etno inim og nisaruk-o.

1 Timotius 2:15

Ari halug, it hweap epmano inindi seberoho wilil, Allah wene eberoko weheg, eke aphe inim inindi hunduhuk welaheg, eke fanoroho seheg suruk wilil, inudaki endag inaptukmu, fobik inili wahu-o.

1 Timotius 2:9

Eke it hweap halug, inasum inesali fanoroho wanteg wilil, iniruk anggoloroho hele homag seheg, eke inesanggomangge, eke inamigmongge emas fam sehon etno inim, eke inasum onggo anggolo baltukon etno inim wanteheg eleg-at welamag-o.

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Titus 2:4

It hweap duhumon etno inahuni inim, inudaki inim inindi hunduhuk welamon etno yanggul isaruk amag ulug, it hweap inanggohon etnowen yi angge di angge demat sukon etno hweap duhumon etno fikfag yanggul isawag-o.

Titus 2:6

Eke it udag elege etno ari inindi seberoho welamag ulug inaren baltuk wilil yig isaruk amin-o.

Yakobus 4:6

Eke nindi nindi urukon epmano arat og nisarision oke, obam seberoho ninobabut fano welamon etno og nisarision ari, Alkitab fam yig nisaruk wilil, “Ap nin inonggarehen suontepatarukon halug, At Allahen seberep isahu-o. Eke it ap nin inonggarehen seberepatarukon halug, suontep isahu-o,” ulug holal embebahon etno fam yig nisaruk-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

3 Yohanes 1:9

Eke alem misig du wereg-o. Holal misig anden it Allah inuk warukon epmano og isarikikon oke, eke at ap Diotrefes etnowen an suon-at welahi-o ulug, esanggo holtuk eleg-o.