Roma 12:2 - Allah Wene Hurumbik Keron

² Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 12:2 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 17:14

Eke Anden Hat hawene etno yig isaruk nealug, it ap kweanmon Hat hawene waruk elehon epmanowen inambit hun inaptusa-o. Eke An nebe ap o kweanma dumon neken welahi fug etno hag, it inebe o kweanma dumon neken wereg eleg isalug, it aphe kweanmon nin epmanowen inambit hun inaptusa-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 7:12

Ariroho sirision oke, wene duroho suruk amuk eke duroho suruk am fug ulug ebahon etno akeleg neken og nisebareg fam, wene komo yig nisebahon etno moron fanowon-at wereg-o.

Roma 7:14

Eke wene duroho suruk amuk eke duroho suruk am fug ulug ebahon etnowen hinindi duroho welamiek ulug yig nisaruk ari niniluk oke, eke an nebe kweanmon etno hag dag surukon etno anggimbu neken welahi-o.

Roma 7:22

Eke nindi undamen At Allahen wene duroho suruk amuk eke duroho suruk am fug ulug ebahon etno nahien haruk ahion oke,

1 Korintus 3:19

Eke it ap kweanma dumen ninindi werehon nit-at ulug inahla burukon ari At Allahen inobabut kimbu neken-at ilanggen isaruk-o. Eke ari halug, at Alkitab etnowen yig nisaruk wilil, “It ap ninindi wereg ulug inahla burukon epmanowen alem neken inobam ombataruk isalug, bak sapnama waratuk etno hag, At Allahen sen inaptuk-o.”

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 5:17

Eke ari halug, urunangge neken welamon etno sohorep isalug, anden suruk amag ulug At Allahen keroho yig nituk-o, ulug hinindi ebetuk amuk-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

Kolose 3:10

Eke alem keron ari, At Allah aphe inebe wal hebahon etnowen inobabut ketoho imbisaruk-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 4:3

Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

Titus 3:5

Eke nit fano suruk nisalug, ninili warisi fug-o. Aren ahmu nisaruk wilil, Roh Kudus fam ninindi ho ninaptuk atisireg, ninindi werehep nisaharisi-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

1 Petrus 1:18

Eke it hiniknisien dag surukon epmano yig hisarukmu suruk atikibon etno hinapelegsoho hinombisahukag ulug onggo embebag etno hit hiniluk-o. Eke onggo etno emas, perak fobik eleg atukon epmano ilitoho embebag fug-o.

1 Petrus 2:3

Eke wene duroho ebahon etno hiniluk-o, “At Allah yonggon hinaptukon etnowen ahmu hisarukmu harikip-o,” ulug holal umburukmu ebahon etno hit hiniluk-o.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

1 Yohanes 3:13

Eke ari halug nomini, it kweanmonen inambit hun hinaptuk ari keroho ulug buk fug-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.