Roma 12:18 - Allah Wene Hurumbik Keron

¹⁸ Eke hit yi aphe di aphe obohen du suk fano ulug urukon etno-at suruk amuk-o. Eke hinobabut fano wilil, it yi aphe di aphe obog-at hinim dambuksoho welamag ulug suruk amuk-o.

Roma 12:18 ပူးပေါင်းရင်းမြစ်များ

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Roma 14:19

Eke ari halug, ninebe obog fanoroho wilil, dambuksoho welamuhuken ulug nit nit ninindi oag werehepataruk amuk-o.

Matius 5:9

Eke hit hinindimuen dambul inaptuk ahe­bon halug, wa. At Allahen nudaki ulug hininuk soal hinabuhu-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Markus 9:50

Eke saho olokon etno ebe fano wereg oke, olok eleg atuk halug, keroho olokepfuk-o? Ari halug, saho olokon hinindimu wilil, hit hit hinim fanoroho dambulig welamuk-o,” ulug yig isebag.

1 Petrus 3:11

Hiren dag surukon sohorep isaruk wilil, fanoroho suruk amuk-o. Aphe hinim fanoroho hinindi hunduhuk welamuk-o. Ariroho hinim fano wilil, hinahientoho welamuhup-o.

2 Timotius 2:22

Eke ari halug, it udag elege yuhun-at sil nurukon epmano sohorep isalug, fanoroho surukon etno inim, eke wene demat ulug ebetukon etno inim, eke aphe hinindi hunduhuk welamon etno inim huliog ulug suruk amin-o. Ariroho suruk wilil, it aphe inobabut fanowon epmanowen, “Hat Ninowe yalmag ninabin-o,” ulug urukon etno hinim fanoroho welamuk-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

1 Tesalonika 5:13

Eke hiren it inobam hinindi hunduhuk wilil, iren nit nineyabuk fanoroho suruk-o, ulug ininuk suontepfuruk amiek-o. Eke hit it hinomini hinim fanoroho dambuksoho welamuk-o nomini.

Efesus 4:3

Eke At Roh Kudus etnowen dambuksoho hinombisaharuk halug, hinebe misig-at welamuk-o.

Matius 5:5

Eke hit hinindi misig-at welahebon halug, wa. O kweanma hiren angge-at aruhu-o.

1 Korintus 7:15

Eke At Allah wene ebetuk elehon etnowen heal sawon ebetuk halug, heal sao ari fano at-o. Eke ari halug, hit ap inim, hweap inim Allah wene warukon epmanowen, at Allah wene ebetuk eleg wilil, heal sao burukon etno ninim welamuk ano, sohorep isuk ano? ulug hinonggarehen imig sao ari fano at-o. Eke At Allahen hit fanoroho welamag ulug wol hisebag-o.

Matius 5:24

Allah ake ulug werehon etno sohorep isa­lug, bilin homin hinim hinindi misig-at dambuliuk-o. Dambul­tuk amuhupseg, Allah ake etno umbuhun-o.

Roma 1:15

Eke ari halug, it Roma aphe ariroho-at yig isa lahuk ulug nahien haruk wilil sembahyang uruk ahi-o.