Roma 12:16 - Allah Wene Hurumbik Keron

¹⁶ Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 12:16 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 26:11

It aphe inaharek elehon etno nintul nantul hinim welamuhubon oke, An fobik hit ninim welamuhuk fug-o.

Lukas 14:13

Eke haren inaohi esetuk wilil, it inaharek elehon inim, eke it iniog dahon inim, eke it iniog inoag elehon inim, eke it inilanggen buhon inim obog-at esoho ninim nulen ulug yig isimuk-o.

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 15:5

Eke At Allahen inahlahiroho wilil inindi oag weregsoho welamon etno og isebag etno hag, hit ariroho hinebe dambuksoho hinindi misig-at wilil, At Kristus Yesusen sebahon epmano ilitoho suruk amon etno og hisawag ulug yig hisihi-o.

Roma 6:2

Ari eleg-o. Eke nit hag dag suruk aheon epmano sohorep isuog ulug waratukukseg fam, keroho dag-at suruk amuhuk-o?

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 6:5

Ari halug, an hinenggali warep hisahaki-o. Eke ap misig indi weregsoho wilil at ominion alem heako yig isarukon etno hit hinahla epma mondog eleg ano?

1 Korintus 8:2

Eke ap misihen, an nakeleg-at niluk-o, ulug ahla buruk halug, ebe iluk amon etno hag weheg eleg-at wilil, apeleg-at wereg-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 3:16

Ariroho yanggul hisahuon oke, eke bilin Allah wene etno fam motoho larukuk etno hag, fobik ilitoho-at lahuk ari fano at-o, nomini.

Filipi 4:2

Eke hit Euodia, Sintikhe At Allahen yig nisaruk etno ilitoho hinindi misig-at wilil hit nehe hehe neken welamuk-o.

Ibrani 13:5

Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.

3 Yohanes 1:9

Eke alem misig du wereg-o. Holal misig anden it Allah inuk warukon epmano og isarikikon oke, eke at ap Diotrefes etnowen an suon-at welahi-o ulug, esanggo holtuk eleg-o.