Roma 12:14 - Allah Wene Hurumbik Keron

¹⁴ Eke it muko wilip hinabuog ulug surukon epmano inim-at hinahien inobam umburuk amuk-o. Ariroho hinahien inobam umburuk wilil, hiren wene homali etno inobam umbuk fug-o.

Roma 12:14 ပူးပေါင်းရင်းမြစ်များ

Matius 5:44

ulug yig isebahon etno hiniluk oke, eke Anden yig hisaruk wilil, ‘Ap selion halug hinim hunduhuk-at wela­muk-o. Eke it ninen waramin ulug yig hituk halug, hat hahien obam umburuk amuk-o. Eke hat hebe ambe­rak neken hearuk halug, fanoroho suhun-o. Eke inasi­ne hinobam umburuk wilil mug hisuog ulug suruk isalug, inake sembahyang iuk-o,’ ulug yig hisaruk ahi-o.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Lukas 6:28

Eke iren, waramiek ulug yig hisarukon halug, fano inabuk-o. Eke inasine hinobam umburukon halug, inake sembahyang iuk-o.

Kisah Para Rasul 7:60

indibahal yungguksoho une suon uruk wilil, “Nowe-o, it ap an nowatukon du inapelegsoho hapma imbisin-o,” ulug yig ituk apareg, warapag.

Roma 12:21

Ari halug, iren dahon epmano hinobam umburuk isalug, hiren onggo wahup etno fam seberep hisahuk nowen ulug yig hisihi-o. Eke iren dag surukon hag hiren fano sukon etno fam seberep isaruk amuk-o.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

Yakobus 3:10

Ariroho uruk wilil, sembahyang urukon etno inim, eke ninune dahon urukon epmano inim, alem ninambilik misig-at wereg oke, ariroho uk ari hai-o, nomini.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.