Roma 12:10 - Allah Wene Hurumbik Keron

¹⁰ Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

Roma 12:10 ပူးပေါင်းရင်းမြစ်များ

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

1 Yohanes 4:11

Nomini-o, At Allah nit indi hunduhuk welapag halug, nit ninomini ninim hunduhuk welamuk-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 2:17

Eke it hinomini hinim, yi aphe di aphe obog-at hinim hinindi hunduhuk welamiek-o. At Allah anggimbu wilil, at hinowe apma welamiek-o.

1 Tesalonika 4:9

Eke anden hinomini hinim fanoroho hinindi hunduhuk welamuk ulug yig hisao ari hai-o. At Allahen hit hinomini hinim fanoroho hinindi hunduhuk welamuk ulug yanggul hisarisi-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

1 Yohanes 4:20

Eke at misihen Allah nindi-o ulug urukon oke, omini amberak hun inaptuk halug, at ap ari enggal urukon-at wereg-o. Ap etno omini ilanggen isarision amberak hun inaptuk ari, at etnowen Allah ebe ilanggen haruk eleg wilil, keroho indi hunduhuk welaruhu-o?

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

Yohanes 15:17

Eke An ariroho yig hisihi ari, hit hit hinindi hunduhuk welamag ulug yig hisihi-o,” ulug yig isebag.

Roma 13:7

Eke ariroho suruk ari hag, uang etno ilitoho-at umburuk amuk-o. Ariroho suruk wilil, kwalem onggo etno inim-at umburuk amuk-o. Eke hit ariroho surukon epmano hinakoltoho wilil, it obog-at suontep isaruk amuk-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Lukas 14:10

Eke iren esoho ninim nulen ulug yig hisaruk halug, hit hinebe anggen ohoma horie uruk amuhupmu, at hinaohi esetukon etno hinambeg watlug yig hisaruk wilil, ‘Nomini, hit hinebe anggelama horie ik maniek-o,’ ulug it obog esoho nuog ulug wamuhubon epmano inil fam suontep hisahaku-o.

Matius 20:26

Ariroho imbisarukon oke, iren suruk ari hag, hit ariroho suk fug-o. Ap hiron misig suon welam hinindi halug, at ebe inanduanangge neken wilil suruk amag-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

Kolose 1:4

Ari, hit At Kristus Yesus obam ebetikibon etno inim, eke Allah udakion hinindi hunduhuk welahebon etno inim obog-at ninesanggo holtukuk-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.