Roma 12:1 - Allah Wene Hurumbik Keron

¹ Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 12:1 ပူးပေါင်းရင်းမြစ်များ

Lukas 7:47

Eke An indi hunduhuk wilil ariroho suruk ahama, at hwe duen dag anggolo suruk atision epmano At Allahen obam apelegsoho apma embehek etno hat hiluk-o, ulug An demat yig hituk ahi-o. Eke at ap misig dag dorat surukon etno obam apelegsoho apma umburuk halug, dorat indi hunduhuk wereg-o,” ulug at Simon etno yig ituk apareg,

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 15:30

Ari halug, nomini-o. At Roh Kudus etno ninindi hunduhuk wilil, At Ninowe Yesus Kristus ninim welahe ari fam yig hisamin ari, hiren ap wim duhure bik isa laruk etno hag, an nake nintul nantul At Allah obam sembahyang uruk amuk-o.

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Roma 6:19

Eke hit hinindi fanoroho ebebukag ulug, nune it apheyen uruk etno hag-at yig hisihi-o. Eke o amuk dag-at suruk wilil, hit hinebe dag surukon epmano anggimbu neken welamuog ulug apma seberepataruk atikibon oke, kidia hag fanoroho-at suruk wilil, alem fanoroho surukon etno anggimbu neken welamuog ulug hit hinebe obogsoho apma seberepataruk amuk-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

2 Korintus 4:16

Eke ari halug, nit ninoag elegsoho orog-at neken suruk ahe fug-o. Eke ninebe ninahap epmano ninanggog atuk wilil sabal atuk aheon oke, ninindi undamon etno nintul nantul keron-at wereg-o.

2 Korintus 5:20

Ariroho At Kristus ninim mondep nisaharisireg fam, niren ninune yig hisaruk aheon oke, At Allahen-at yig hisaruk-o. Ari halug, At Kristus inuk fam-at yig hisaruk ahe ari, hit hinebe At Allah hinim healeg welahebon epmano At udaki amuhuben hinim dambuliuk-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 5:10

Eke hit At Allah ahien hawon etno-at suog ulug hinahla buruk amuk-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 4:10

Eke Aren yanggul hisarision etno hiniluk wilil, it hinomini o Makedonia werehon epmano obog hinindi hunduhuk welahep ari fano neken welahep oke, fobik inim obam seberoho sukag ulug yig hisaruk ahe-o nomini.

1 Tesalonika 5:12

Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

1 Timotius 2:3

Ariroho uruk wilil, ninebe fano mondog weregma, At Allah ninili warukon etnowen ari fano at-o, ulug ahien nisarukmu,

1 Timotius 5:4

Eke it hweap suhweon inudaki inumbiasi wereg halug, iren nombapa bilin naso welatision du onngo og irik ulug yalmag inaptuk amag-o. Ari bilin At Allahen ariroho suruk amag ulug yig nisebahon etno ilitoho suruk nisalug, ahien ninobam umbuhu-o.

Filemon 1:10

Eke at Onesimus etno an hele wareg wilil Allah wene yig itikikseg, namloho neken endag sarikikon etno farim yig hituk ahi-o.

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

1 Petrus 2:20

Eke ap misig dag suruk halug, yikangge watuk-o. Eke hit fano suruk ahebon yikangge war hinaptuk isalug, At Allah ahien hinobam umbuhu-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.