Roma 11:7 - Allah Wene Hurumbik Keron

⁷ Eke ari halug, keroho uk-o? It Israel aphe epmanowen heahil laruson oke, ebe heaharusa fug-o. It nin At Allahen imig inapahon epmanowen-at heaharusa-o. Eke it nin hag inindi arikon mondog welatusa ari famen

Roma 11:7 ပူးပေါင်းရင်းမြစ်များ

Markus 6:52

Ariroho fog sebag ari, Aren bilin orom roti kuroko og isebahon etno ebereheg eleg-at wilil, inahla ebepag fug. Inindi ebereheg eleg-at wilil, hiahne etno eleg atuk haruk apareg, wi ulug fog sebag.

Lukas 13:24

“Hat sok ele doron etno fam kiog ulug suruk aruhun-o. Eke it aphe nin sok ele doron etno fam kulen ulug suhubon oke, hai aruhu-o, ulug demat yig hisaruk ahi-o.

Yohanes 12:40

“It epmano inilanggen ha nowen ulug, At Allahen inilanggen buhep isarisi-o. Eke inindi ebebuk nowen ulug, inindi arikep isarisi-o. Ariroho sep isarisi ari, it inindi wereg atlug, At Allah ambeg haren fano ninabin-o, ulug yig irik wam nowen ulug ariroho sep isarisi-o,” ulug at Yesayaen ariroho ebag ari,

Roma 10:3

Eke At Allahen alem dahon ninobam werehon epmano elehep nisahalug At ninim dambuk ninabukon etno inapeleg wilil, inonggarehen-at inim dambuluhuken ulug suruk-o. Eke ariroho suruk ari, At Allahen ninim dambuk ninabukon etno apma seberoho welam inambit-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 11:5

Eke ariroho bilin welapag etno hag, kidia ilitoho-at wereg-o. At Allahen it aphe nin inabua isaruk apareg fam, inebe fuloko imbisarisi-o.

Roma 3:9

Eke ari halug, nit Yahudi ap hag fano, it ap Allah wene inapelehon epmano hag dag-o ulug ariroho uk ari fano behep ano? Ari eleg-o. Eke it Yahudi ap inim, eke it Allah wene inapelehon epmano inim obog-at dag sukon epmano-at mutlug laruk-o ulug bukaloko yig hisihi-o.

Roma 6:15

Eke ari halug, keroho uk-o? Nit wene komo yig nisebahon etno apma welam sohorep isalug, At Allahen ninabua nisarukmu welahe ari fam dag-at suruk amuk-o ulug uk ari fano buruk ahep ano? Ari mondog eleg-o.

Roma 9:18

Eke ari halug, At Allahen it aphe du inabua isahuk-o, ulug ahla buruk atlug inabua isaruk-o. Eke it nin du hag inindi arikep isahuk-o ulug ahla buruk atlug inindi arikep isaruk-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

1 Korintus 10:19

Eke ari halug, keroho ulug yig nisehek buruk ahep-o? Kwanangge amurli hundutukon epmano ebe demat wereg ulug buruk ahep ano? Eke monggat ake umburukon epmano demat ulug hinahla buruk ahep ano?

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Efesus 4:18

Eke At Allahen niniluk welamon og nisarukon etno iren holaruk eleg etno fam mondog inapeleg wilil, inindi arikon wereg-o.

Filipi 1:18

Eke At Kristus awene yig isaruk ari, yamintal neken suruk ano, eke demat ulug suruk ano, eke At Kristus awene yig isaruk isalug, an nahien suruk ahi-o. Eke kidia nahien suruk ahi etno hag, fobik nahien-at suruk aruhuk-o.

Ibrani 12:17

Eke at Esau etno fobik nikni ahien nobam umbukag ulug suruk apahon oke, ebe fobikon neken apag etno fam sohorep isebag-o. Ariroho suruk apagma, at etno nin wene ap manggien uruk amon etno keroho holele ulug ioba yatuk wilil, suruk apahon oke, aren bilin sebahon etno alem elehepfukon hai apag etno hit hiniluk-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.