Roma 11:25 - Allah Wene Hurumbik Keron

²⁵ Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 11:25 ပူးပေါင်းရင်းမြစ်များ

Matius 13:11

eke aren yig isaruk wilil, “At Allah weregmen sukon wene herahowon etno hit unde wilil hiniluk amag ulug yangguloko yig hisaruk ahion oke, it etno hag selegmaroho yig isaruk ahi fug-o.

Lukas 21:24

Mialoko umburuk amuhupseg, it nin karog fam inuseheg, eke it nin hele waroko o ahik ya da lahap iseheg suhup-o. Eke o mialukon etno awan arat suruk eleg iseheg, it aphe selema Allah wene inapelehon epmanowen o Yerusalem iniog hendan fil haruk amuhup-o,” ulug yig isebag.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 11:12

Eke it Yahudi ap ariroho bule amburusareg fam, it yi aphe di aphe kweanmon obog-at inabua harisi-o. Eke it epmano inaharek eleg atisireg fam, fobik it aphe Allah wene inapeleg welatuson epmano inaharek anggolo atisi-o. Inaharek arat anggolo atision oke, fobik it Yahudi ap obog eberoko waruk amuhupmu, inaharek mondog anggolo atuk aruhu-o.

Roma 11:24

Eke hit bilin Allah wene hinapeleg welatikibon epmano e werlekon inggik neken weregma, yumbuksoho e fanowon inggik ubulukmu hinombisaharisi ari it apheyen suruk hag sirisi fug-o. Eke ari halug, it Yahudi ap e fanowon inggik neken werehon epmano bilin e alem fanowon fam welatusa ambeg epmano-at inubulukmu dombog imbisahu-o.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Roma 9:18

Eke ari halug, At Allahen it aphe du inabua isahuk-o, ulug ahla buruk atlug inabua isaruk-o. Eke it nin du hag inindi arikep isahuk-o ulug ahla buruk atlug inindi arikep isaruk-o.

1 Korintus 10:1

Nomini-o, hit an wene yig hisaminon du hinapeleg welam ari hai-o. It ninetamuki epmano it obog o hena apma welapareg, obog-at ik etno obahare baloko lebag-o.

1 Korintus 12:1

Eke an kidia Roh Kudusen og nisawon wene etno yig hisamin-o, nomini. Eke hit alem ari hinapelegsoho welam ari nambit-o.

1 Korintus 2:7

Eke wene iniluk amon yig isaruk ahion ari, it aphe inilanggen ha nowen ulug bilin At Allahen herako embebag-o. Eke wene ari o kweanma awan wal heheg eleg wilil At Allahen nit suontep nisahiog ulug fuloko embebag-o.

1 Korintus 4:1

Eke it aphe epmanowen nit farim uruk wilil, “At Kristus anggimbu wilil, wene At Allah indimu heraho welapahon etno bukaloko yig nisarukon inebe du at-o,” ulug it apheyen ariroho nisawag-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 3:9

“At Kristusen yi angge di angge fanowon obog-at og nisaruk-o,” ulug yig isaruk wilil, At Allahen ariroho suhuk ulug wene heraho welapahon etno kidia ilitoho suruk-o ulug it aphe obog demat inahla buruk wilil, inindi ebebukag ulug yig isaruk ahi-o.

Efesus 4:18

Eke At Allahen niniluk welamon og nisarukon etno iren holaruk eleg etno fam mondog inapeleg wilil, inindi arikon wereg-o.

2 Petrus 3:8

Eke nomini, fobik alem misig du yig hisik-o. Nit aphe kweanmon hag nininggik dorat wane suruk oke, At Allahen seribu tahun anggolo wane suruk wereg-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 10:7

Eke at malaikat sabiron etnowen ambinggon uneap suruk arikonma, At Allahen At anggimbu, it nabi ap amuk hurumbik yig isebag etno hag Aren sukon herako welatision etno kidia ilitoho sikon-o,” ulug at malaikat etnowen irisi-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.