Roma 11:23 - Allah Wene Hurumbik Keron

²³ Eke it Yahudi ap etno hag, fobik fanoroho ebetuk isalug, At Allahen it bilin welatusa ambeg-at imbisahu-o. Eke it epmano ariroho imbisiog ulug At Allah oag weregsoho demat wereg-o.

Roma 11:23 ပူးပေါင်းရင်းမြစ်များ

Matius 23:39

Eke hiren uruk wilil, ‘At Ninikni inuk fam waharukon du At Allah ahien obam umbukag-o,’ ulug awan uruk eleg hiseheg, nolohore neahup fug-o, ulug An demat yig hisihi-o,” ulug At Yesusen yig isebag.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 11:24

Eke hit bilin Allah wene hinapeleg welatikibon epmano e werlekon inggik neken weregma, yumbuksoho e fanowon inggik ubulukmu hinombisaharisi ari it apheyen suruk hag sirisi fug-o. Eke ari halug, it Yahudi ap e fanowon inggik neken werehon epmano bilin e alem fanowon fam welatusa ambeg epmano-at inubulukmu dombog imbisahu-o.

2 Korintus 3:16

Eke Alkitab famen yig nisaruk wilil, “At Musa etno at owe olohore dahag uruk apagma, sum sambuntehon etno eleg apag-o,” ulug ebahon etno wereg heheg, it Yahudi ap Inowe obikit inolohore dahag uruk isalug, inasum sambuntehon etno eleg aruhu-o.

Ibrani 3:19

Ariroho ebag ari, it etno inindimuen demat ulug eberoko webag fug etno fam o kelsaruk ambeg epma kuk hai apag hehe-o.