Roma 11:21 - Allah Wene Hurumbik Keron

²¹ Eke it Yahudi ap e fanowon inggik neken welatuson epmano yumbuksoho ambuog ulug surukmu At Allahen ayeg lahaptisi fug etno hag hit hinebe ayeg lahabuk sohorep nisahuk nowen ulug hinakoltoho welamiek-o.

Roma 11:21 ပူးပေါင်းရင်းမြစ်များ

Yudas 1:5

Eke iren surukon epmano amuk-at sebag hit hiniluk-o. Ari At Allahen it Israel ap inilioko o Mesiren senoko wilip isaruk apareg, fobik it ap At inuk webag fuhon epmano war inapag.

Roma 11:19

Ariroho suruk oke, eke hiren, “It yumbuksoho amburusa ari, nit inubulukmu welamag ulug yumbuksoho amburusa-o,” ulug ariroho uruk ahep ari, demat oke, it hag fanoroho inindi ebetuk atusa fug ari fam yumbuksep isarisi-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.