Roma 11:20 - Allah Wene Hurumbik Keron

²⁰ Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 11:20 ပူးပေါင်းရင်းမြစ်များ

Lukas 18:14

Yig ituk apagma, aren an dag suruk ahion ulug yig epag etno fam, At Allahen indi fanorepfebagma, ibam lebag, ulug anden yig hisaruk ahi-o. Halug, at bilin sebag ari hag, it inonggarehen suontepatarukon epmano fobik seberep isahu-o. Eke it inonggarehen seberepatarukon halug, fobik lehep isahu-o,” ulug At Yesusen yig isebag.

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

Roma 11:18

Eke ari fam, it e fanowon inggik neken yumbuksoho amburuson epmano hinambit isaruk wilil, hit suontepata fug-o. Eke hit hag e inggik neken-at welahep-o. Ari halug, hiren e omanggen etno oag werehepfuruk ahep fug-o. E omanggen etnowen hag hit hinoag werehep hisaharuk-o.

Roma 11:21

Eke it Yahudi ap e fanowon inggik neken welatuson epmano yumbuksoho ambuog ulug surukmu At Allahen ayeg lahaptisi fug etno hag hit hinebe ayeg lahabuk sohorep nisahuk nowen ulug hinakoltoho welamiek-o.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 3:3

Ariroho og isebareg fam, eke it ninen wene eberoko webag fuhon oke, ari fam At Allahen duroho suhuk ulug hurumbik ebahon etno ilitoho suhu fug buruk ahep ano? Ari eleg-o. It aphe obog-at inenggal uruk atlebon oke, At Allah etno demat urukon wereg ulug, Alkitab fam yig nisaruk wilil,

1 Korintus 10:12

Eke ari halug, ap misihen, an suon minduhuk welahi-o, ulug ahla burukon ari dag surukim indi aso welamag-o.

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

1 Korintus 16:13

Eke hit hinindi aso wilil, wene fanowon etno fanoroho ebetuk amuk-o. Eke hinakol elegsoho wilil, hinindi oag weregsoho welamuk-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

2 Korintus 10:5

Eke nit oag werehon og nisarukon etno fam yi angge di angge oag werehon epmano lehet neken mialtuk wilil, inenggal wene urukon epmano sahaloko imbiseheg, eke At Allah ebe niniluksoho welamon seberoho umbuog ulug surukon epmano elegsoho imbiseheg, eke it aphe inahla burukon epmano hele waroko neken imbisalug At Kristus une etno holukag ulug apma imbiseheg suruk ahe-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 3:19

Ariroho ebag ari, it etno inindimuen demat ulug eberoko webag fug etno fam o kelsaruk ambeg epma kuk hai apag hehe-o.

Ibrani 4:11

Ari halug, nit ariroho At Allah ninim kelsaruk amuhuken ulug, fanoroho suruk amuk-o. Eke it epmano inesanggo fanoroho holuk sohorep isalug, kebag fug etno hag, nit ariroho kuk sohorep isehe ha nowen-o.

Ibrani 4:6

Eke it aphe bilin wene fano wene etno inesanggo holtuk apareg oke, eberoko webag fug etno fam, At Allah inim o kelsaruk ambeg epma kebag fug-o. Kebag fug etno fam, it nin At Allah inim o kelsaruk ambeg epma kuhubon wereg-o.

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.

Yakobus 4:6

Eke nindi nindi urukon epmano arat og nisarision oke, obam seberoho ninobabut fano welamon etno og nisarision ari, Alkitab fam yig nisaruk wilil, “Ap nin inonggarehen suontepatarukon halug, At Allahen seberep isahu-o. Eke it ap nin inonggarehen seberepatarukon halug, suontep isahu-o,” ulug holal embebahon etno fam yig nisaruk-o.

1 Petrus 1:17

Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

1 Petrus 5:9

Heag hinabil nuruk halug, Allah inuk waruk wilil, hat iblis hebe ulug yig ituk amiek-o. Ariroho sil nuruk wilil, it hinomini Allah udaki o kweanma werehon epmano obog at iblisen dahon inobam umburuk etno hit hiniluk-o.

Wahyu 18:7

At etno bilin aharek suon welatisi etno, kidia doron wilil, ioba yabukag-o. Eke aren bilin suontepataruk wi­lil, “An hwe suon-at wilil, suhweon neken welaruhuk fug-o. Ioba yatuk aruhuk fug-o, ulug aren bilin suontepatarision oke, eke kidia o misihim-at mial arikon-o.

Wahyu 3:17

eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.