Roma 11:17 - Allah Wene Hurumbik Keron

¹⁷ Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 11:17 ပူးပေါင်းရင်းမြစ်များ

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.

Wahyu 11:4

Eke e anggur biren etano inim, eral biren o kweanma inowe suon olohotma werehon epmano inim ilitoho, it ap biren Allah wene yig isarukon etano wereg-o.

Yohanes 15:6

Eke at misig An ninim hunduhuk welamuhuk fug halug, e inggik anggen yihiruk elehon baloko hik isarukmu bug atuk etno hag, baloko hik isahu-o. Hik isaruk aruhureg, e inggik balehon epmano nandoloko balurepfulug, hondok nawag ulug yalepfuruk-o.

Galatia 2:15

Eke nit hag ninebe Yahudi ap endag atuk sowareg fam, it Allah wene inapelehon dag suruk etno hag suruk atukuk fuhon oke, it Yahudi aben wene duroho suruk amuk eke duroho suruk am fug ulug ebahon etno ilitoho suruk etno fam, alem dahon it aphe obog inobam werehon epmano At Allahen elehepfuruk eleg-o.

Yohanes 15:1

Eke fobik At Yesusen yig isaruk wilil, “E anggur alem fanowon etno An at-o. Eke e ebe fikfag yabuk surukon etno An Nikni at-o.

Roma 11:24

Eke hit bilin Allah wene hinapeleg welatikibon epmano e werlekon inggik neken weregma, yumbuksoho e fanowon inggik ubulukmu hinombisaharisi ari it apheyen suruk hag sirisi fug-o. Eke ari halug, it Yahudi ap e fanowon inggik neken werehon epmano bilin e alem fanowon fam welatusa ambeg epmano-at inubulukmu dombog imbisahu-o.