Roma 11:11 - Allah Wene Hurumbik Keron

¹¹ Eke ari halug, it inebe mondog bule ambuog ulug iniog ya lenggag da lenggag surusa ano? Ari eleg-o, ulug yig hisaruk ahi-o. Eke it epmano hag bule amburusareg fam, it aphe Allah wene inapeleg welatuson epmano inili warisimu, iren uruk wilil, “Nit hag ninili wawim sirisi-o,” ulug uruk amag ulug, ariroho sirisi-o.

Roma 11:11 ပူးပေါင်းရင်းမြစ်များ

Lukas 20:16

At ebe waharuk aruhureg, it at eyabuk warukon epmano warep isaruk aruhureg, ap nin inubulukmu welamag ulug minduhup isahu-o,” ulug yig isebag. Yig isaruk apagma, eke it aphe epmanowen yig ituk wilil, “Eleg-o,” ulug yig ituk apagma,

Kisah Para Rasul 13:42

Yig isaruk apagma, it Paulus, Barnabas o Allah wene uruk ambeg etnowen wilip atuk apagma, it aphe epmano yig isaruk wilil, “Wene ari sembahyang fobik uhukon etno fam inim dahagsoho yig nisahup-o,” ulug yig isebag.

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

Roma 10:19

nesanggo holtikikseg misihim inim dahagsoho hinog waruk wilil, “It Israel aphe hag inapeleg welatusa ano?” ulug hinog waruk nealug, at Musaen bilin wene ebahon etno fam yig isaruk wilil, “It aphe nin bilin Allah udaki neken welatusa fuhon epmano oke, kidia Allah udaki atusa ari, nit ninakeleg-at welamim sirisi-o, ulug uruk amag ulug ariroho suhuk-o.

Roma 11:1

Eke ari halug, At Allahen At udaki it Israel ap epmano ambit isarisireg sohorep isarisi ano? ulug hinog og saruk wilil, ari eleg-o, ulug yig isaruk ahi-o. Eke an nebe etno Israel ap-at wilil, nungguluag Benyaminon etno nebe Abraham etamu-at welahi-o.

Roma 11:12

Eke it Yahudi ap ariroho bule amburusareg fam, it yi aphe di aphe kweanmon obog-at inabua harisi-o. Eke it epmano inaharek eleg atisireg fam, fobik it aphe Allah wene inapeleg welatuson epmano inaharek anggolo atisi-o. Inaharek arat anggolo atision oke, fobik it Yahudi ap obog eberoko waruk amuhupmu, inaharek mondog anggolo atuk aruhu-o.

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 11:31

Eke ari ilitoho, hit hinabua hisarisireg fam, it Yahudi ap kidia inesanggo holtuk eleg oke, At Allahen inabua isiog ulug suruk-o.