Roma 10:9 - Allah Wene Hurumbik Keron

⁹ Eke hiren hinambilik famen uruk wilil, “Nit Ninowe ari At Yesus at-o eheg, eke hinindi famen At Kristus etno Allahen it aphe warehon wereg ambeg epmanowen iluksoho minduhupfebag-o,” ulug hinindi ebereheg suruk hisalug, hinili wahu-o.

Roma 10:9 ပူးပေါင်းရင်းမြစ်များ

Lukas 12:8

At Yesusen yig isaruk wilil, “It obohen an Yesus omin welahi-o, ulug selegmaroho urukon halug, An Allahen minduhup naharision etnowen it Allah malaikat inil fam du An nomin ulug ariroho uhuk-o.

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Kisah Para Rasul 16:31

it etanowen yig ituk wilil, “Hat homini hinim hinindi Yesus obam ebetuk atlihipmu, hinili wikon-o,” ulug yig ituk atusareg,

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Roma 10:10

Eke ninindimuen demat ulug ebetuk aheon ari, At Allahen alem dahon etno elehep nisahukag ulug ebetuk ahe-o. Eke ninune fam demat ulug uruk aheon ari ninili wawag ulug-at uruk ahe-o.

Roma 14:11

“At Ninowe etnowen duroho uruk-o, An nebe niluk wereg nealug, it yi aphe di aphe inindibahal yungguksoho wilil, hat hebe Allah-at welahen-o ulug bukaloko yig nituk amuhup-o,” ulug wene holal baleg etno wereg halug,

Roma 14:9

Eke At Kristus etno waratuk apareg, iluk atlug minapag ari, it inilukon inim, it warehon inim obog-at Inowe welariog ulug minapag-o.

Roma 4:24

Eke nit hag alem dahon ninobam werehon epmano elehep nisahalug, At Allahen ninim fanoroho welamuog ulug dambuk ninaptisi-o, ulug niniluk amag ulug wene holal embebag-o. Eke At Allah Ninowe Yesus it aphe warehon wereg ambehen iluksoho minduhupfebahon etno obam ninindi ebetuk ahe-o.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

1 Korintus 12:3

Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.