Roma 10:8 - Allah Wene Hurumbik Keron

⁸ Eke ari halug, alem At Allah inim dambulukon etno fam uruk wilil, “Allah wene etno hit hinambeg horogsoho wilil, hinindimu inim, hinambilik fam inim wereg-o,” ulug uruk ari niren At Allah obam ebetuk amuk ulug yig hisaruk aheon etno farim-at uruk-o.

Roma 10:8 ပူးပေါင်းရင်းမြစ်များ

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 16:31

it etanowen yig ituk wilil, “Hat homini hinim hinindi Yesus obam ebetuk atlihipmu, hinili wikon-o,” ulug yig ituk atusareg,

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Galatia 3:2

Ari halug, eke misig du yig nimiek-o, hit it Yahudi aben wene duroho suruk amuk eke duroho suruk am fug ulug ebahon etno ilitoho suruk hisalug, At Roh Kudus etno og hisarisi ano, eke wene fano wene etno hinesanggo holtug eberoko waruk hisalug og hisarisi ano?

Galatia 3:5

Eke At Allahen Roh Kudus etno og hiseheg, eke hinanggelegmen sukfugangge seheg suruk ari, it Yahudi aben wene duroho suruk amuk eke duroho suruk am fug ulug ebahon etno suruk hisalug suruk ano, eke wene fano wene etno hinesanggo holtug eberoko waruk hisalug suruk ano?

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.