Roma 10:17 - Allah Wene Hurumbik Keron

¹⁷ Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Roma 10:17 ပူးပေါင်းရင်းမြစ်များ

Markus 4:24

“Wene yig hisihion ari, hinesanggo fanoroho holtuk amiek-o. Hiren og isaruk ahep etno hag, Aren ilitoho-at og hisahu-o. Eke hit hinesanggo holtuk ahebon etno hag og hisaruk aruhureg, eke fobik obam seberoho og hisahu-o.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 8:11

Yig isaruk apareg, eke fobik yig isaruk wilil, “Wene ilitoho neken yig hisihion etno kidia ebe yig hisamin-o. Eke i kililfahon etno ari Allah wene at-o.

Lukas 8:21

At Yesus etnowen it obog epmano yig isaruk wilil, “At Allahen une yig isarukmu inesanggo holtug ilitoho surukon halug ari An nisina, nosi at-o,” ulug yig isebag.

Yohanes 1:37

at omini biren etano inesanggo holtuk apareg, At Yesus mutlug lebag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 10:14

Eke ari fam, At obam ebetuk eleg wilil, keroho yig ituk amuhup-o? Eke At awene etno inesanggo holtuk eleg wilil, keroho obam ebetuk amuhup-o? Eke At awene etno yig isaruk eleg halug, keroho inesanggo holtuk amuhup-o?

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

Galatia 3:2

Ari halug, eke misig du yig nimiek-o, hit it Yahudi aben wene duroho suruk amuk eke duroho suruk am fug ulug ebahon etno ilitoho suruk hisalug, At Roh Kudus etno og hisarisi ano, eke wene fano wene etno hinesanggo holtug eberoko waruk hisalug og hisarisi ano?

Galatia 3:5

Eke At Allahen Roh Kudus etno og hiseheg, eke hinanggelegmen sukfugangge seheg suruk ari, it Yahudi aben wene duroho suruk amuk eke duroho suruk am fug ulug ebahon etno suruk hisalug suruk ano, eke wene fano wene etno hinesanggo holtug eberoko waruk hisalug suruk ano?

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.