Roma 10:14 - Allah Wene Hurumbik Keron

¹⁴ Eke ari fam, At obam ebetuk eleg wilil, keroho yig ituk amuhup-o? Eke At awene etno inesanggo holtuk eleg wilil, keroho obam ebetuk amuhup-o? Eke At awene etno yig isaruk eleg halug, keroho inesanggo holtuk amuhup-o?

Roma 10:14 ပူးပေါင်းရင်းမြစ်များ

Matius 20:7

Yig isaruk atisimu, eke it etnowen yig ituk wilil, ‘At ap misihen onggo og hisaminen yabuk sik aliek ulug yig nisaruk elehen duma werlek-at welahe-o,’ ulug yig itusa-o. Ariroho yig itusama, eke aren yig isaruk wilil, ‘Halug, hit kidia hinim-at e anggur yabuk etno sik aliek-o,’ ulug yig isarisi-o.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 9:36

at ap etnowen yig ituk wilil, “Ari halug, Nowe-o, anden At etno obam ebebukag ulug, Haren At ebe du ulug yig nimin-o,” ulug yig epag.

Kisah Para Rasul 19:2

Bik isa laruk atisireg, hinog og inaptuk wilil, “Hit Allah wene waruk atikipmu, Roh Kudus og hisarisi ano, eleg ano?” ulug hinog og inaptuk atisimu, eke iren yig ituk wilil, “At Roh Kudus inuk nit holtuk ahe fug-o,” ulug yig itusa.

Kisah Para Rasul 8:31

at o Etiopia ap suon etnowen yig ituk wilil, “Ap yanggul nitukon misig elegma keroho nahla bele-o?” ulug yig ituk apareg, “Hat kereta fam lahik wapmihinteg, ninim horie ul-o,” ulug yig ituk apagma, laharuk apareg,

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Efesus 2:17

Eke ariroho suruk apareg fam, At Kristus etno waharuk apareg, wene fano wene dambuk ninabukon etno it aphe obog-at yig isa wapag-o. Ariroho yig isa wapag ari, hit bilin Allah wene hinapeleg wilil, At Allah hinim yatma neken welatikibon epmano inim, eke it Yahudi ap At Allah inim horogsoho welatuson epmano inim obog-at yig hisa wapag-o.

Efesus 4:21

Eke At awene etno yig hisarukmu hinesanggo holtikipseg eberoko waruk hisalug, At Yesus awene demat urukon etno yanggul hisarusa-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

Titus 1:3

fobik At awene etno yig nisaruk wilil, dindiloko yig nisari­si-o. Ariroho yig nisarision etno anden it aphe yig isawag ulug minduhup naharisimu, At Allah ninili warukon etno inuk fam yig isaruk ahi-o.

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Yakobus 5:15

Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.