Roma 1:9 - Allah Wene Hurumbik Keron

⁹ Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 1:9 ပူးပေါင်းရင်းမြစ်များ

Markus 1:1

At Yesus Kristus Allah Amloho etno wene ebe alem du at-o.

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Kisah Para Rasul 12:5

Ahla buruk apareg weregma, at Petrus etno o aphe dag surukon imbisaruk ambeg epmano wereg heheg, it Allah wene warukon epmanowen at ake Allah obam sembahyang uruk apag.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 24:14

Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Kisah Para Rasul 27:23

Eke o sono an nohorukmu, At Ninikni Allah une waruk ahion etno o malaikat misig nambeg waharisireg,

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

2 Korintus 1:23

Eke an nahla buruk ahion etno At Allahen iluk wereg halug, demat yig hisaruk ahi-o. Eke an o Korintus epma awan waharuk ahi fug ari, hit hinahap wendaroko neken welahi.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

Galatia 1:20

Eke an nenggal ihi fug-o, ari At Allah il fam demat yig hisaruk ahi-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Filipi 1:3

Eke hit hinobam ebetuk wilil, hit farim an Ninikni Allah wa ulug yig ituk ahi-o.

Filipi 1:4

Eke an nintul nantul hit hinake sembahyang uruk wilil, nahientoho-at sembahyang uruk ahi-o.

Filipi 2:22

Eke at Timotius etnowen yabuk fanoroho sirisi etno hit hiniluk-o. Eke at inim, an ninim ikni amloho neken wilil, wene fano wene yig isawon etno ninim dambuksoho urukuk etno hiniluk-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

1 Tesalonika 1:2

Eke niren nintul nantul sembahyang uruk wilil, hit farim At Allah wa yig ereheg, eke hit hinake sembahyang eheg suruk ahe-o.

1 Tesalonika 3:10

Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

1 Tesalonika 5:17

Eke hit ilikia hupmu sembahyang uruk amuk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

Filemon 1:4

Nomin Filemon wai. An nintul nantul sembahyang uruk wilil, hat hake eheg, eke Nikni Allah hat farim wa yig ereheg suruk ahi-o.