Roma 1:8 - Allah Wene Hurumbik Keron

⁸ Nomini-o, an wene misig du yig hisik-o. It o ahik ya da epmanowen it Roma aphe Allah wene fanoroho waruk-o, ulug il nuruk isalug, an At Yesus Kristus inuk fam Ninikni Allah wa ulug yig ituk ahi-o.

Roma 1:8 ပူးပေါင်းရင်းမြစ်များ

Matius 24:14

Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.

Lukas 2:1

Nin eke ap suon misig inuk Kaisar Agustus etnowen aphe obog ininuk holal fam umbulug inebe wane inabukag ulug wene yig isebag.

Kisah Para Rasul 11:28

Waharuk apagma, ap iron misig inuk Agabus etno Roh Kudus indimu kebagma, minatuk apareg yig isaruk wilil, “Nit fobik o ahik ya da obog-at orom obok angge suon hahuk-o,” ulug at Agabus etnowen fobik at inowe Klaudius weregma obok angge hebahon etno hurumbik yig isebag.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Roma 10:18

Eke ari fam, anden “It aphe epmano inesanggo holtusa fug ano?” ulug hinog waruk nealug, “Eleg-o, inesanggo holtusa at-o,” ulug yig nimuhup-o. Eke alem ari fam Alkitab etnowen yig nisaruk wilil, “It inune epmano o ahik ya da su atisi-o. Eke iren urukon epmano o kweanma obog su atisi-o,” ulug yig nisarukon ari,

Roma 16:19

Eke hit hag wene fano wene etno fanoroho-at eberoko waruk ahep ari fam it yi aphe di aphe obohen inesanggo holtusa halug, an nahien hisaruk ahi-o. Eke fano surukon etno hag hiniluksoho wilil, dag surukon epmano hinapeleg welam ari fano nahla buruk ahi-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

1 Korintus 1:4

Eke At Allahen hinabua hisaruk wilil At Kristus Yesus og hisebahon etno anden nintul nantul hit farim Ninikni Allah wa ulug yig ituk ahi-o.

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

Efesus 1:15

Eke hiren At Ninowe Yesus obam ebetuk ahebon epmano inim, eke hiren it Allah udaki obog inobam hinindi hunduhuk welahebon epmano inim, obog-at an nesanggo holtuk atikikseg, nintul nantul hit farim At Allah wa ulug yig ituk atikik-o.

Efesus 1:16

Eke hit hinake sembahyang uruk wilil, At Allah Ninowe Yesus Kristus Ikni suon etnowen Roh Kudus og hisawag ulug sembahyang uruk ahi-o. Eke hiren At Allah hiniluk amag ulug, At Roh Kudus etnowen hit hinindi enggatep hisaharuk wilil, At Allah wene etno selegmaroho yig hisaruk-o.

Efesus 3:21

Eke ari halug, it obog At Kristus Yesus inuk waruk wilil, At udaki neken werehon epmanowen At Allah inuk-at nintul nantul suontepfuruk amag ulug an demat yig hisihi-o.

Efesus 5:20

Eke At Ninowe Yesus Kristus inuk fam sembahyang uruk wilil, yi angge di angge obog epmano farim Ninikni Allah wa ulug yig ituk amuk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 1:3

Eke hit hinobam ebetuk wilil, hit farim an Ninikni Allah wa ulug yig ituk ahi-o.

Kolose 1:3

Eke niren hit hinake sembahyang uruk wilil, At Allah Ninowe Yesus Kristus Ikni etno-at nintul nantul wa ulug yig ituk ahe-o.

1 Tesalonika 1:2

Eke niren nintul nantul sembahyang uruk wilil, hit farim At Allah wa yig ereheg, eke hit hinake sembahyang eheg suruk ahe-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

Filemon 1:4

Nomin Filemon wai. An nintul nantul sembahyang uruk wilil, hat hake eheg, eke Nikni Allah hat farim wa yig ereheg suruk ahi-o.

Ibrani 13:15

Eke At Yesus etnowen nit ninake suruk apag etno fam, niren At Allah ake di At inuk suontepfukon etno-at uruk amuk-o. Ariroho uruk wilil, ninuneyen nintul nantul At obam wa eheg, inuk suontepfeheg suruk amuk-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.