Roma 1:7 - Allah Wene Hurumbik Keron

⁷ Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 1:7 ပူးပေါင်းရင်းမြစ်များ

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 9:13

Ananias etnowen yig ituk wilil, “Eleg-o, Nikni, ap du o Yerusalemen Hat hudaki epmano dahon inobam imbisarisi ulug it apheyen hurumbik yig nitusa-o.

Roma 1:6

Mondep nisahik wapag etno hag, hit ariroho At Yesus Kristus udaki amuhuben ulug hinayonggo embebahon etno, At Allahen hit indi hunduhuk wereg-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

Roma 8:39

eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.

Roma 9:25

Eke alem ari fam At Allahen buku nabi Hosea etno fam yig nisaruk wilil, “It bilin An nudaki neken welatusa fuhon epmano fobik nudaki, ulug yig isahuk-o. Eke it nin inebe nindi hunduhuk eleg welatikikon epmano hinebe nindi hunduhuk welahi ulug yig isahuk-o.

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

1 Korintus 16:23

Eke At Ninowe Yesus etnowen hinabua hisawag ulug yig hisihi-o.

Galatia 6:18

Eke At Ninowe Yesus Kristus etnowen hinabua hisaruk wilil, hit obog hinim welamag ulug yig hisihi-o, nomini wa.

Efesus 1:2

Eke At Ninikni Allah inim eke At Ninowe Yesus Kristus inimen ninabua hisaruk wilil, hinim dambuksoho welamag ulug yig hisihi-o.

Efesus 6:23

Eke At Ninikni Allah inim, eke At Ninowe Yesus Kristus inimen hinomini obog dambuksoho hinindi hunduhuk welamon etno inim, eke wene eberegsoho warukon etno inim, obog-at og hisawag ulug yig hisihi-o.

Filipi 1:2

hit obog At Ninikni Allah inim eke At Ninowe Yesus Kristus inimen hinabua hisaruk wilil hinim welamag ulug yig hisehe-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Filipi 4:20

Eke At Ninikni Allah inuk-at nintul nantul suontepfuruk amuhuk-o, ulug an demat yig hisaruk ahi-o.

Filipi 4:23

Eke At Ninowe Yesus Kristus etnowen hinabua hisaruk wilil hinim welamag ulug yig hisihi-o.

Kolose 1:2

Eke hit Allah udakion epmano hinibam o Kolose wilil ninomini welahep halug, At Ninikni Allahen hinabua hisaruk wilil hinim welamag ulug yig hisehe-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

1 Tesalonika 1:1

Nit Paulus, Silas, Timotius etano ninimen, nit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil, At Allahen hinabua hisaruk etno fam, hinim welamag ulug wene holal du bal hisehe-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 1:4

Eke At Allah etno hinebe indi hunduhuk wilil, imig hinapag etno niniluk-o.

1 Tesalonika 4:7

Eke At Allahen yi dag di dag suruk amag ulug wol hinaptisi fug-o. Aren hinobabut fanoroho suruk amag ulug wol hinaptisi-o.

1 Tesalonika 5:28

Eke At Ninowe Yesus Kristus etnowen hit obog hinabua hisaruk amag ulug yig hisihi-o.

2 Tesalonika 1:2

At Ninikni Allah inim, eke At Ninowe Yesus Kristus inimen hinabua hisaruk wilil, hinim welamag ulug yig hisehe-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

2 Tesalonika 3:18

Eke At Ninowe Yesus Kristus etno hinim wilil hinabua hisawag ulug yig hisihi-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

2 Timotius 1:2

At Kristus Yesus ninim wilil niniluk welamon etno og hisahuk ulug hurumbik yig nisebahon wene etno-at yig isil nuruk ahi-o. Eke ari halug, At Ninikni Allah inim eke At Ninowe Kristus Yesus inim epmanowen inahien hobam embeheg, eke habua heyeheg suruk wilil, hinim welamag ulug yig hirihi-o.

2 Timotius 4:22

Eke At Ninowe Yesus Kristus etnowen hat inim, eke hit obog inim hinabua hisaruk wilil, hinim welamag ulug yig hirihi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Filemon 1:25

Eke Ninowe Yesus Kris­tus etnowen hinabua hisaruk wilil, Aren hit obog hinim welamag ulug yig hirihi-o.

Filemon 1:3

hit obog At Ninikni Allah inim eke At Ninowe Yesus Kristus etno inimen hinabua hisaruk wilil, hinim dambuksoho welamag ulug wene ari yig hisi­hi-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

1 Petrus 1:15

Eke At Allah wol hisarision etno akeleg neken fanowon-at wereg etno ilitoho, hit ariroho-at hinakeleg neken fanoroho welamiek-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

2 Yohanes 1:3

At Ninikni Allah Amloho Yesus Kristus etno inimen nit obog ninobam inahien embeheg, eke fanowon etno inindi hunduhuken og niseheg suruk amag ulug sembahyang uruk ahe-o.

Wahyu 2:1

Eke fobik an yig nituk wilil, “At it jemaat o Efesus aphe inaso werehon etno og emag ulug holal duroho imbimihin-o: Eke At Ninowe etno soholo­al sabiren angge inggik bikit filen senetuk wilil, eral fisako umburuk ambeg emas fam sehon inebe sabiren angge epmano inanggelegma bulmu werehon etnowen yig hisaruk wilil,

Wahyu 2:12

Eke fobik an yig nituk wilil, “At it jemaat o Pergamus aphe inaso werehon etno og emag ulug holal duroho imbimihin-o: At karog enggat femag femag werehon senetukon etnowen yig hisaruk wilil,

Wahyu 2:18

Eke fobik an yig nituk wilil, “At it jemaat o Tiatira aphe inaso werehon etno og emag ulug holal duroho imbimihin-o: At Allah Amloho ilanggen hondok ambulpul neken yibatuk wilil, eke iog fam abikag surukon etnowen yig hisaruk wilil,

Wahyu 2:29

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.

Wahyu 22:21

Ari halug, At Ninowe Yesus etno ahien nit obog ninobam umbukag ulug yig hisihi-o arat. Amin.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Wahyu 3:22

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.