Roma 1:30 - Allah Wene Hurumbik Keron

³⁰ Eke ariroho aik dahog uruk wilil, inabug baleheg, eke At Allah abug baleheg suruk-o. Eke inindimu dag-at wilil, an suon at-o, ulug iren-at suontepateheg, eke it nin inahlahirep iseheg suruk-o. Eke iniknisi inisasien inune yig isarukon sahaloko embeheg,

Roma 1:30 ပူးပေါင်းရင်းမြစ်များ

Matius 15:4

Hit ariroho suruk ahep ari At Allahen, hiniknisi hinisasi ininuk-at suontepfuruk amuk-o, ulug yig hisebareg oke, eke fobik, iniknisi inisasi inobam denggeltuk ari, it hag waramag-o, ulug yig hise­bahon etno oke,

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Lukas 21:16

Hit hinebe ariroho weregma, it hiniknisi hinisasi inim, hinowe not inim, hinomini inimen senep hisaharuk amuhupmu, hit nin war hinabuhup-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Kisah Para Rasul 5:36

Eke horog kidia ap inuk Teudas etno an suon ulug waharuk apareg, omini empat ratus inim welapag. Inim weregma, at ebe watuk wilil, omini epmano obog muko wilip isaruk apagma, at une eleg apag.

Roma 2:17

Eke hat hag, an Yahudi ap welahi ulug uruk ahen du, wene duroho suruk amuk eke duroho suruk am fug ulug ebahon etno hiluk wilil, At Allah Ninikni-at wereg ulug suontepfuruk ahen-o.

Roma 2:23

Eke hat Allahen wene duroho suruk amuk eke duroho suruk am fug ulug ebahon etno suontepfuruk wilil, ilitoho suruk ahen fug du At Allah enggali watuk ahen ano?

Roma 3:27

Eke ari halug, alem misig fam suontepatawon wereg buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno ilitoho suruk nisalug, At Allahen ninim fanoroho welamuhuken ulug dambuk ninaptuk ano? Ari eleg-o. We At Yesus obam ebetuk nisalug-at ninim fanoroho welamuhuken ulug dambuk ninaptuk-o.

2 Korintus 10:15

Eke ari halug, nit ninowalangge etno-at wereg heheg, it ap ninen yabuk suruson epmano farim du niren surukuk ulug suontepataruk ahe fug-o. Eke hit hinanggelegma epmen Allah wene etno su atuk halug, At Allahen ninowalangge og nisarisi etno hag hinanggelegma epmen yabuk suon misig suhuken ulug ninahla buruk ahe-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Yakobus 3:5

Eke ninambilik etno doron-at oke, yi wene di wene epmano alem suon-at uruk ahe-o. Halug ariroho uruk aheon epmano ilitoho neken wene misig yig hisamin-o. Eke misig, hondok anggen doron oke, monggalepfurukmu, ambulpul su atuk etno hag,

Yakobus 4:16

Eke hinonggareg hinuneyen, “Ari suhuk, ari suhuk,” ulug suontepataruk ahep ari, dag-at suruk ahep-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.