Roma 1:3 - Allah Wene Hurumbik Keron

³ Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 1:3 ပူးပေါင်းရင်းမြစ်များ

Matius 1:1

At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 1:16

Eke at Yakub etnowen amloho Yusuf etno endepag. At Yusuf etno Maria oho welapag. Oho weregma at Maria etnowen Yesus, inuk misig Kristus etno endepag.

Matius 1:6

At Isai etnowen amloho Daud inowe suon Raja etno endepag. At Daud uhwe Uria oho welapahon etnowen amloho Salomo etno endepag.

Matius 12:23

Ariroho fano atuk apagma, it aphe anggolo wonggalfahon etnowen At etno fog suruk wilil, “Ap ilanggen fano sehek ari, at Daud etamu ano?” ulug uruk apag.

Matius 15:22

Laruk apagma, at hwe misig o Kanaan epma i werehon etno ambeg waharuk apareg, yig ituk wilil, “Nowe-o, Hat Daud etamu duen hahmu niyimin-o. An nahaloho setan indimu kuruk atisireg, obam oloken yahan watuk wereg-o,” ulug yig epag.

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 27:43

Eke At etnowen Allah obam ebetuk wilil, An nebe Allah Amloho-at ulug uruk oke, At ebe etno kidia At Allahen ili waruk nit ninilanggen hulen-o,” ulug yamintal neken enggali wapag.

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Matius 9:27

O etnowen wilip atuk apareg larukmu, it ap biren inilanggen buhon etano mutlug laruk apareg, inune suon-at yig ituk wilil, “Hat Daud etamu duen nit hahmu nisimin-o,” ulug yig epag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 1:69

Eke At anggimbu Daud etamu misig etno heako umburuk atisireg, oag weregsoho wilil, nit ninili waruk amag ulug minduhupfirisi-o.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 5:25

Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Yohanes 7:42

At Kristus ari ebe Daud etamu halug, o Betlehem at Daud welapag ambeg epmanowen-at endag aruhu ulug Alkitab etno fam yig nisebag-o,” ulug uruk apag.

Kisah Para Rasul 2:30

Eke at Daud bilin nabi ap weregma, At Allahen hurumbik yig epahon etno iluk wilil ahla buruk apag. Ahla burukmu, At Allahen Daud etno hurumbik yig ituk wilil, ‘Kidia hat Daud suon welahen etno hag, fobik At hetamu misig suon minduhupfuhuk-o,’ ulug yig ituk apagma,

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 4:1

Eke at ninetamu Abraham etno keroho welapag ulug uruk amuk-o?

Roma 9:3

Eke it nomini ari inake At Allahen wene homali neken nobam umburuk wilil, At Kristus ninim healep nahuk ari fano ulug nahla bele-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Korintus 10:18

Eke bilin it Israel ap kweanmen suruk apahon epmano hinindi eberiek-o. It Allah ake umburukmu narukon epmano Allah ake umburuk ambeg inim hunduhuk wereg-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Timotius 2:5

Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

1 Yohanes 4:15

Eke it apheyen At Yesus ari Allah Amloho at-o, ulug eberoko urukon halug, Allah inindimu-at wilil, inim wereg-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

1 Yohanes 5:5

Eke kweanmen sukon etno sen apmarepfuruk-o? Ari it At Yesus ari Allah Amloho at-o ulug inindi ebetukon etnowen-at kweanmen sukon etno apmarepfuruk-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.

Wahyu 2:18

Eke fobik an yig nituk wilil, “At it jemaat o Tiatira aphe inaso werehon etno og emag ulug holal duroho imbimihin-o: At Allah Amloho ilanggen hondok ambulpul neken yibatuk wilil, eke iog fam abikag surukon etnowen yig hisaruk wilil,