Roma 1:25 - Allah Wene Hurumbik Keron

²⁵ Eke At Allah demat ulug inindi ebebukon etno sohorep isalug, inenggal wene etno hag inindimu ebetuk apag. Eke At Allah Walhan etno suontepfuruk amuog ulug inahien suruk wilil inindi At obam ebebukon etno sohorep isalug, eke yi angge di angge At Allahen wal hebahon epmano-at ubulukmu ulug inahientoho suontepfuruk apag.

Roma 1:25 ပူးပေါင်းရင်းမြစ်များ

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Roma 1:23

Eke At Allah nabelal habelal unde wereg itog mondog werehon etno wi ulug fog suruk amon etno sohorep isalug, ubulukmu aphe inim, bak inim, sue inim, walo inim, inolohore inambian haloko imbisaruk apareg, fog suruk apag etno fam,

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Roma 1:18

Eke it apheyen Allah wene ninambit-o ulug dag suruk wilil, it dag surukon epmanowen fano wene etno wehe ha nowen ulug sebeloko umburuk isalug, At Allah asineyen war inaptukon wene etno bukaloko yig nisaruk wereg-o.

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

Matius 10:37

Eke ap misihen An nebe indi hunduhuk welam sohorep isalug, ikni isina-at indi hunduhuk wereg halug ari, An ninim welam hai aruhu-o. Eke ap misihen An nebe indi hunduhuk welam sohorep isalug, amloho ahaloho-at indi hunduhuk wereg halug ari, An ninim welam hai aruhu-o.

Efesus 3:21

Eke ari halug, it obog At Kristus Yesus inuk waruk wilil, At udaki neken werehon epmanowen At Allah inuk-at nintul nantul suontepfuruk amag ulug an demat yig hisihi-o.

Yohanes 2:8

Honanggoko umburuk apagma, eke At etnowen yig isaruk wilil, “Hininggik ahul fam ik etno enako walug, ap esoho unde etno og imiek-o,” ulug yig isebag. Yig isaruk apagma, it epmanowen ik etno enako walug ap esoho unde etno og epag.