Roma 1:21 - Allah Wene Hurumbik Keron

²¹ Eke it aphe epmano At Allah iniluk wilil oke, ari At Allah at-o, ulug At inuk suontepfeheg, eke wa ulug yig ereheg suruk eleg-o. Ariroho suruk eleg wilil, inindi eleg neken atlug o hubanggo neken inapelegsoho wereg-o.

Roma 1:21 ပူးပေါင်းရင်းမြစ်များ

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

Wahyu 14:7

“Hit At Allah hinakoltoho wilil, At inuk-at suontep­furuk amiek-o. Kidia Aren aphe inaren balukon etno horog fang­gog ehek-o. Ari halug, At Allahen bohol inim, kwean inim, ik inim obog-at wal hebahon epmano olohotma wilil, hinut wanduk­soho sembahyang uruk amiek-o,” ulug at malaikat etnowen irisi-o.

Yohanes 3:19

Inebe oag deloko imbisarisi etno, iren duroho suruk isalug imbisarisi-o, At o seleg etno o kweanma duma waharision oke, it aphe epmano dag-at suruk ari fam, o seleg etno sohorep isalug, o hubanggo welamon etno holarusa-o.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

Roma 11:10

Eke inilanggen ha nowen ulug inil hupnip iseheg, eke inambol kunuksoho inoag elehep iseheg sukag-o,” ulug ebag.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 1:19

Eke it aphe epmanowen At Allahen surukon epmano iniluk amag ulug selegma embebahon etno wereg heheg, it epmanowen wene demat urukon etno wehe ha nowen ulug seberoho umburuk-o. Ariroho umburukon oke it mondog iniluk amag ulug At Allahen At awene etno arat selegmaroho embebag-o.

Roma 15:9

eke it ap bilin Allah wene inapeleg welatuson epmanowen At Allahen ninabua nisarisi etno wa ulug inahla buruk wilil inuk suontepfukag ulug seheg suruk apag-o. Eke alem ari fam Alkitab wene holal baleg etnowen yig nisaruk wilil,

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

1 Petrus 1:18

Eke it hiniknisien dag surukon epmano yig hisarukmu suruk atikibon etno hinapelegsoho hinombisahukag ulug onggo embebag etno hit hiniluk-o. Eke onggo etno emas, perak fobik eleg atukon epmano ilitoho embebag fug-o.