Roma 1:20 - Allah Wene Hurumbik Keron

²⁰ Eke At Allah yi angge di angge wal hebahon epmano fam At abug yig isarukmu, iren At Walhan oag weregsoho itog mondog werehon etno enggag haruk apag-o. Eke Aren yi angge di angge wal hebahon epmano inilanggen haruk apareg, At itog mondog werehon etno enggag haruk ahe-o ulug inahla buruk wilil oke, seberoho umburukon etno fam inenggali watuk halug, inune eleg-at bok amuhup-o.

Roma 1:20 ပူးပေါင်းရင်းမြစ်များ

Matius 5:45

Eke Hinik­ni Allah boholma werehon udaki amuog ulug ariroho-at suruk amuk-o. Aren angge mo etno ap dahon inim fanowon inim og isaruk-o. Eke Aren angge osit etno it motoho surukon inim, it buruk elegsoho surukon inim og isaruk-o.

Markus 10:6

“Hit hinindi hinahlahiroho welahep etno fam wene ariroho yig hisebahon oke, eke bilin At Allahen yi angge di angge wal hiog ulug suruk wilil, ap wal heheg, hweap wal heheg sebag-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 15:22

Eke An nebe watle fureg, wene etno yig hisele fugmen, iren nit dag suruk ahe ulug inapeleg-at welatlep-o.

Kisah Para Rasul 17:29

Ariroho yig hisarusa halug, nit At udaki wilil, At Allah ebe emas hahon, perak hahon, helep hahon, it ap inindi enggaronen walsuruk etnorohon wereg ulug hinahla buk fug-o.

Kisah Para Rasul 22:1

Bok atusama, at Paulusen it Yahudi inune fam yig isaruk wilil, “Niknisi, nowesi-o, hit obog hinil fam wene misig bukaloko yig hisaminen hinune bok amiek-o,” ulug yig isaruk atisimu,

Roma 1:19

Eke it aphe epmanowen At Allahen surukon epmano iniluk amag ulug selegma embebahon etno wereg heheg, it epmanowen wene demat urukon etno wehe ha nowen ulug seberoho umburuk-o. Ariroho umburukon oke it mondog iniluk amag ulug At Allahen At awene etno arat selegmaroho embebag-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Roma 2:1

Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Roma 2:15

Eke it epmano wene duroho suruk amuk eke duroho suruk am fug ulug ebahon etno inapeleg wilil oke, inindimu wereg etno it inobabut surukon epmano fam selegma atuk-o. Eke ariroho selegma atuk ari, inahla burukon epmano fam komo yig isarukon epmano inim-at selegma atuk-o. Eke iren it it hat du dag sehen ulug obam denggeleheg, eke at misig hobam eleg ulug alem elehepfeheg suruk-o.

1 Korintus 1:20

Ari halug, it ap ninindi wereg ulug inahla burukon epmano inebe kema welamuhup-o? Eke it ap nit wene unde welahe inahla burukon epmano inebe kema welamuhup-o? Eke it o dumen aphe inesanggo watukon ari o kema welamuhup-o? Eke it o kweanmen ninindi wereg ulug inune urukon epmano At Allahen arat urunanggeroho imbisarisi-o.

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

Kolose 2:9

Eke At Allah ninilanggen haruk ahe fuhon etno At Kristus ebe ambik wapag etno famen ebe selegma apag-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

Ibrani 11:27

Eke at Musa etno indi demat ulug ebetuk wilil, at Firaun etnowen winimug umon etno akol eleg-at welapag. Ariroho wilil, at ebe o Mesiren wilip apag-o. Wilip atuk apareg, At Allah ninilanggen haruk ahe fuhon etno ilanggen haruk neken wilil, an niog suhuluk lao nambit-o, ulug ahla bebag-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.