Roma 1:16 - Allah Wene Hurumbik Keron

¹⁶ Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 1:16 ပူးပေါင်းရင်းမြစ်များ

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

Roma 15:29

Eke hinambeg waruhuk ari, At Kristus ahien ninobam umbukon wene etno suon-at walug waruhuk-o.

Roma 2:9

Eke it obog dag surukon epmano At Allahen fobik o hondok olokma imbisahu ambeg epmen oloken yahan watuk amuhup ari, it Yahudi ap inim, eke it Allah wene inapelehon inim ariroho-at suruk amuhup-o.

Roma 4:11

Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

1 Korintus 15:2

Eke hit hinindi ebetikibon ari werlek-at ebetikip fug-o. Eke ari halug, hit anden yanggul hisarikikon etno seneg wereg hisalug, At Allahen wene ari fam hinili og hinaptuk aruhu-o.

1 Korintus 2:2

Eke anden hit hinanggelegma epmen wene werlekon yig hisarikik fug-o. At Yesus Kristus awene etno-at yig hisarikik-o. Eke At Kristus e fam lenggaloko embebagma warapahon wene etno-at yig hisao nahla birikik-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

1 Korintus 9:12

Eke it ap werlekonen, hinaharek menag nisimiek-o ulug yig hisaruk isalug, eke nit epmanowen, hinaharek menag nisimiek ulug yig hisao hai buruk ahep ano? Eke niren, hinaharek menag nisimiek, ulug yig hisolowon oke, yig hiseheg eleg-at welatukuk-o. At Kristus awene fanowon etno olohotma sok larehe ha nowen ulug nit yi angge di angge obok heheg oke, kino uk sohorep isarukuk-o.

1 Korintus 9:18

Eke ari halug, an neyabuk onggo etno nongge og num-o? An neyabuk onggo du at-o, an wene fano wene yig isaruk wilil, wene ari onggo umbukag ulug yig iseheg eleg, eke an wene fano wene yig isaruk ahion etno fam yi angge di angge og nimiek ulug kino yig iseheg eleg bok welahi ari, an neyabuk onggo ari at-o.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

2 Korintus 9:13

Eke hiren ariroho og isaruk amuhup etno fam iren hinaren balepfulug uruk wilil, it du At Kristus awene fanowon etno eberoko waruk ahe ulug inune uruk wilil ilitoho suruk du fam niren Allah wa ulug hinuk suontepfuruk ahe-o. Eke iren nit inim, it aphe obog inim sumburoko og nisaruk ari fam wa ulug urukmu isahup-o.

Galatia 1:7

Eke wene ari ebe eleg oke, eke it ninen hinindi kahalik waharuk wilil, Kristus wene fano wene du at-o, ulug yig hisarukon oke, ebe ninon-at uruk-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.