Roma 1:13 - Allah Wene Hurumbik Keron

¹³ Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 1:13 ပူးပေါင်းရင်းမြစ်များ

Yohanes 12:24

Fanggog uruk ari famen Anden wene demat uruk amon etno yig hisamin-o. Wiyagfut i etno misig-at belapfurukmu, filik aruhu fug halug, anggen misig etno-at welaruhu-o. Eke filik aruhu halug, unggum laharuk aruhureg, anggen anggolo yihiku-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 4:36

Eke it ap anggen baltuk isalug, onggo fanowon epmano og isaruk ari fam, anggen neken iniluk welamon etno-at holaruk-o. Ari halug, it ap i yatukon epmano inim, eke it anggen baltukon epmano inim obog dambuksoho inahien hahup-o.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

Kisah Para Rasul 15:12

Yig isaruk apagma, it Barnabas Paulus etano At Allah inim sil nuruk wilil it Allah wene waruk eleg ambehen elalintoho sukfugangge sebahon epmano dindiloko yig isarukmu, inune eleg-at inesanggo holfag.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 21:19

Inambeg bik isa larukukmu, heahi war inaptuk atusama, At Allahen Paulus yig itukmu it Allah wene inapelehon inim wilil yabuk sirision epmano obog-at dindiloko yig isarisi.

Kisah Para Rasul 28:14

Waharuk atukukseg, o epma it aphe Yesus wene warukon nin heag inaptuk atukukmu, iren sembahyang misig ninim welamuhuk ulug yig nisarusa. Yig nisaruk atusama, ninim welatukukseg, fobik o Roma wamuog ulug surukuk.

Roma 1:12

Eke an sembahyang uruk ahion ari, hit ninim wilil Allah wene fanoroho uhuken ulug ninindi ebetuk amuhukseg, an hit ninim ninindimu oag weregsoho welamon wene etno ninindi ebebuhukseg, nindi nahien hahuk-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 7:1

Nomini-o, at Musaen wene duroho suruk amuk eke duroho suruk am fug ulug ebahon etno hiniluk halug, anden yig hisaminon etno hinindi ebetlihip-o. Ari halug, ap misig iluk wilil, uhwe inim welamag ulug yig nisaruk-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 10:1

Nomini-o, hit an wene yig hisaminon du hinapeleg welam ari hai-o. It ninetamuki epmano it obog o hena apma welapareg, obog-at ik etno obahare baloko lebag-o.

1 Korintus 12:1

Eke an kidia Roh Kudusen og nisawon wene etno yig hisamin-o, nomini. Eke hit alem ari hinapelegsoho welam ari nambit-o.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.

1 Korintus 14:26

Eke ari halug, hiren uruk amon duroho yig hisamin-o, nomini. Hit sembahyang uog ulug wonggalepfulug, at misihen di misig eheg, eke at misihen wene yanggul iseheg, eke at misihen hurumbik wene yig iseheg, eke at misihen inune akelehon fam yig iseheg, eke at misihen ariroho ehek ulug inune akelehon etno mirlaloko yig iseheg suruk wilil, At Allah udaki epmano inindi oag wereg amag ulug yig isaruk amuk-o.

1 Korintus 9:2

Eke it ap werlekon ninen, at Paulus wene yig isil nuruk amag ulug mondepfebag fug, ulug inahla belebon oke, hit hag wene yig hisa wamag ulug mondep naharisi-o. Eke hit hag wene yig hisil wamag ulug mondep nahabahon demat bukag ulug, hit wene etno eberoko warikipseg, At Ninowe hinim hinindi hunduhuk welahep-o.

2 Korintus 1:8

Eke nit o Asiaen dahon ninobam umburuson epmano hit hinapeleg welam nowen ulug yig hisaruk ahe-o, nomini. Eke iren dahon epmano mondog angginon neken-at ninobam umburusareg fam, niniluk welamuhuk ano, ulug ninapelegsoho welatukuk-o.

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

Galatia 3:15

Nomini-o, an wene misig ap kweanmonen suruk etno ilitoho neken yig hisamin-o. It ap birenen ariroho suhuk ulug wene baltuk isalug, fobik at ap misihen wene urukukon etno anden suhuk fug ulug uk ari hai-o.

Galatia 6:18

Eke At Ninowe Yesus Kristus etnowen hinabua hisaruk wilil, hit obog hinim welamag ulug yig hisihi-o, nomini wa.

Filipi 1:22

Eke an nebe niluk wilil yabuk fanowon etno-at suruk aruhuk ari fam, nebe niluk welamon ano, eke waramon ano, an nongge hag imig saruk arik ulug an napeleg-o.

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

1 Tesalonika 2:18

Eke an Paulus hag ninggik birenam henahanam hinambeg wariog ulug sirikikon oke, eke at iblisen surukon etno fam hai atisi-o.

1 Tesalonika 4:13

Nomini-o, it hinomini waratuson epmano keroho wereg ulug hiniluk amagsoho yig hisul-o. Eke it aphe ninen, it warehon minamuhup fug-o, ulug inahla buruk wilil inindi dag atuk etno hag, hit ariroho dag am nowen ulug yig hisul-o.

2 Tesalonika 2:7

Eke aren angge alem dahon etno kidia herako neken wereg oke, eke at misihen bok amin yig ituk-o. Eke at bok amin yig itukon etno fobik eleg aruhumu, at ap dahon etno selegma aruhu-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.