Roma 1:1 - Allah Wene Hurumbik Keron

¹ An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 1:1 ပူးပေါင်းရင်းမြစ်များ

Markus 1:14

Eke fobik at Yohanes etno hele waroko kolapfuruk apagma, At Yesus etno o Galilea wapag. Waharuk apareg, Allah wene fanowon etno yig isil nuruk wilil, “Ariroho suhuk ulug hurumbik ebahon etno arat fanggog ehek-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 15:15

Eke at ap misig anggimbu epmanowen iniknien surukon epmano inapeleg halug, Anden hit nanggimbu ulug yig hisawon etno sohorep isalug, hit nomini ulug yig hisaruk ahi-o. Eke yi wene di wene At An Niknien yig nitukmu nesanggo holtikikon epmano inim selegma-at bukaloko yig hisaruk atikik-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Kisah Para Rasul 13:9

Sahaltuk apagma, eke at Saulus, inuk fobik Paulus soalfahon etno Roh Kudus indimu kuruk apagma, ap uson etno ilanggen fikfag wenaharuk apareg

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 21:40

it inowe etnowen halug fano at-o, ulug yig ituk atisimu, at Paulus o yal helep fam belareg ambeg etno minatuk wilil, aphe inune eleg amag ulug yig isaruk atisimu, inune bok atusa.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 22:7

kweanma ying atuk atikikseg weregma, boholmen une misig yig nituk wilil, ‘Saulus wai. Hat nongge farim An nowariog ulug waharuk ahen-o?’ ulug yig nitukmu nesanggo holtuk atikikseg,

Kisah Para Rasul 26:1

At Agripa etnowen Paulus yig ituk wilil, “Hat hawene hahla buruk ahenon yig nisimin-o,” ulug yig ituk atisimu, at Paulusen yig isiog ulug inggik lahaptuk atisireg yig isaruk wilil,

Kisah Para Rasul 26:14

nit obog kweanma bule amburukukseg fam eke fobik une misig it Yahudi ap inune fam yig nitukmu nesanggo holtikik-o. Eke At une etnowen yig nituk wilil, ‘Saulus wai, hat hebe kerohoen An nowariog ulug mug naplug waharuk ahen-o? Ariroho suruk ahen oke, bak huhubi helema kulug onggarehen wataruk etno hag, hat hebe watiog ulug suruk ahen-o,’ ulug yig nituk atisimu,

Kisah Para Rasul 27:23

Eke o sono an nohorukmu, At Ninikni Allah une waruk ahion etno o malaikat misig nambeg waharisireg,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 11:13

Eke kidia hit ap bilin Allah wene hinapeleg welatikibon epmano yig hisamin-o. Eke an it ap Allah wene inapeleg welatuson epmano yig isil lawag ulug mondep nahabag halug, an neyabuk du fanoroho-at suruk aruhuk-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 15:29

Eke hinambeg waruhuk ari, At Kristus ahien ninobam umbukon wene etno suon-at walug waruhuk-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

1 Korintus 1:1

At Allahen indi ebepahon etno fam Yesus Kristus wene yig isil nuruk amag ulug wol neyebahon etno an Paulus, nomin Sostenes ninimen wene holal du bal hisehe-o.

1 Korintus 9:1

Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 11:5

Eke it epmano inenggal uruk wilil, nit hag mondep nisahebahon-at welahe-o, ulug urukon epmano it suon, an doron ulug nahla buruk ahi fug-o.

2 Korintus 11:7

Eke anden At Allah awene fanowon etno yig hisaruk wilil, onggo og nemag ulug yig hisarikik fug-o. Hit hinebe etno-at suon amag ulug an hag seberepatarikik ari dag neken sirisi ulug buruk ahep ano?

2 Korintus 12:11

Eke anden ariroho sukag ulug hiren yig nitikipmu, an suontepataruk wilil, urunanggeroho suruk ahi-o. Eke hiren an suontep nahalepmen fano. Eke an nebe noag elehon-at oke, it ap inenggal nit mondep nisahabahon-at welahe-o ulug urukon epmano suon-at ulug inapma welahi fug-o.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Galatia 1:1

An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Kolose 1:1

Nomini, hit o Kolose welahebon du wai. An Paulusen holal du hinombisaharuk ahi-o. Eke At Allah ahla burukmu, an At Yesus Kristus awene yig isarukon-at welahi-o. Eke at nomin Timotius ninimen holal du bal hisaruk ahe-o.

Kolose 1:25

Ari At Allahen an neyabuk og nepareg fam, Allah wene uruk amon etno sumbut hisaruk ahi-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

1 Tesalonika 2:8

Eke hit hinobam ninindi hunduhuk wilil, wene fanowon At Allahen yig nisarukon etno yig hiseheg, eke o dumen waram ari fano at-o ulug ninahla beheg suruk wilil, mondog-at hinobam ninindi hunduhuk welatukuk-o, nomini.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Ibrani 5:4

Eke at misig onggarehen an Allah unde ninuk suon welaruhuken ulug ful saruk eleg-o. At Harun Allah unde suon welamag ulug wol hebag etno hag, At Allahen-at ap nin Allah unde suon welamag ulug wol isaruk-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 22:6

Eke fobik at malaikat etnowen yig nituk wilil, “Anden yig hirihion etno demat yig hirihi-o. Eke At Inikni Allahen Roh Kudus it nabi ap bilin og isebag etno hag, ariroho hurumbik suhuon etno At anggimbu yig isawag ulug At omalaikat etno laha­bik waharisi-o,” ulug ariroho hurumbik yig nitisi-o.

Wahyu 22:9

Nut kunuk uruk atikikmu, eke aren yig nituk wilil, “Eleg-o. An hag, hat homini it nabi ap inim, it Allah wene inesanggo holtukon inim, nit obog Allah anggimbu-at wela­he-o. Allah akeleg-at obam sembahyang uruk amuk-o,” ulug yig nitisi-o.