Matius 9:4 - Allah Wene Hurumbik Keron

⁴ Ariroho uruk weregma, At Yesus etnowen enggag isaruk apareg, yig isaruk wilil, “Hit keroho ulug wene dahon etno hinahla buruk ahep-o?

Matius 9:4 ပူးပေါင်းရင်းမြစ်များ

Matius 12:25

Yig isaruk apagma, it inahla burukon epmano At Yesus iluk wilil, yig isaruk apag, “Ap o ahik misihon it minggiroko wilil umayirluk aptuk isa­lug, inoag eleg aruhu-o. Eke ap ungguluag misihon it minggi­roko wilil umayirluk aptuk amuhup etno fam, mondog healeg welamu­hup-o.

Markus 12:15

ulug yig ituk apagma, At etnowen inenggal neken yig nerehesa hihi-o, ulug ahla buruk apareg, yig isaruk wilil, “Hit keroho ulug An nindi kahaltuk ahep-o? Ari halug uang anggen misig nilanggen haminen honanggoko og nirik maniek-o,” ulug yig isaruk apagma, honanggoko og irik wapag.

Markus 2:8

At Yesus etnowen enggag isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 11:17

At Yesusen it inahla burukon epmano iluk wilil, yig isaruk wilil, “O ahik misihon it minggiroko wilil umayirluk aptuk isalug, inoag eleg aruhu-o. Eke ap ungguluag misihon it minggiroko wilil, umayirluk aptuk amuhup etno fam, mondog healeg welamuhup-o.

Lukas 5:22

Ulug ariroho inahla buruk weregma, At Yesus etnowen ilanggen isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 6:8

Inilanggen wenaharuk weregma, it inahla burukon epmano At Yesus iluk welapareg, ap inggik hunduhukon etno yig ituk wilil, “Minatuk apmihinteg, nolohotma horogsoho dia ma-o,” ulug yig ituk apagma, ap etno minarik wapag.

Lukas 7:40

Ahla buruk apareg weregma, At Yesusen yig ituk wilil, “Simon wai. An misig yig hirik-o,” ulug yig ituk apagma, at Simon etnowen yig ituk wilil, “Yu-o, Ninowe yanggul nisarukon wai misig yig nimin-o,” ulug yig epag.

Yohanes 16:19

Ariroho uruk apareg weregma, At Yesus etno nunema wuog ulug suruk-o ulug ahla buruk apareg, yig isaruk wilil, “Anden nebe dot welatlug eleg neahup-o. Eleg nearuk amuhubon oke, fobik dot welaruhukseg neahup-o, ulug yig hisihion ari farim hit hit hinog og og uruk ahep ano?

Yohanes 16:30

Ariroho hearuk ahereg, Hat hebe etno yi angge di angge alem obog iluk ulug ninahla buruk ahe-o. Eke Haren nit hinog og ninabuk ari hai-o. Eke Hat hag yi angge di angge alem hiluk welahen etno fam, niren ebe At Allah wereg ambehen-at ambik waharisi ulug hobam ebetuk ahe-o,” ulug yig epag.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Yohanes 6:61

Ariroho urukmu, At Yesus etnowen An nomini du wene yig isihion etno fam inune fog fog uruk-o, ulug ahla buruk apareg, yig isaruk wilil, “Hit Anden wene yig hisihion etno hinapeleg atuken uruk ahep oke,

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Kisah Para Rasul 5:9

at Petrus etnowen yig ituk wilil, “Hit At Allah Roh Kudus etno keroho ulug dahapsik wahep-o?” ulug yig ituk apareg, “Ap hat hahun kweanma salepfik laheson etno hat inim-at wilip habuog ulug olma wereg-o,” ulug yig ituk apagma,

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.