Matius 9:22 - Allah Wene Hurumbik Keron

²² Sen haruk apagma, At Yesus etno olohore dahagsoho ilanggen kolap haruk wilil, “Nahaloho-o, hat hahientoho welamin-o. Hat An nobam eberehen etno fam, hebe fano ahen-o,” ulug yig ituk apagma, ebe arat fano apag.

Matius 9:22 ပူးပေါင်းရင်းမြစ်များ

Matius 15:28

Yig ituk apagma, At Yesusen yig ituk wilil, “Hat hwe du nobam demat ulug eberehenteg fam, haren kino yig nerehenon etno ilitoho fano arikon-o,” ulug yig ituk apagma, ebahon etno ilitoho ahaloho dulum-at fano apag.

Matius 17:18

Wilip atuk apagma, udag etno ebe fano apag.

Matius 8:13

Yig isaruk apareg, At Yesusen ap inowe etno yig ituk wilil, “Hibam lamihinmu, hindi eberehenon etno ilitoho-at seg arikonma hilanggen hamihin-o,” ulug yig ituk apagma, inowe anggimbu etno ari sambit-at fano apag.

Matius 9:2

Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Matius 9:29

Yig ituk apagma, Aren inilanggen sen haruk wilil, “Hinindi ebetuk ahebon etno hag fano amag-o,” ulug yig isaruk apagma, it etano inilanggen fenggen apag.

Markus 10:52

Yig ituk apagma, At Yesus etnowen yig ituk wilil, “Hat An fano nabukag ulug nobam ebetuk ahen etno fam fanorep hahaki ari, hibam lag-o,” ulug yig ituk apagma, ilanggen buhon etno arat fenggen atuk apareg, At Yesus inim kwalema lebag.

Markus 5:34

Yig itug apagma, At etnowen yig ituk wilil, “Nahaloho-o, hat hindimu An nobam eberepfulug wahenteg fam fano ahen-o. Arat fano ahenteg fam, uk ari hobam aruhu fug-o, nahaloho wa,” ulug yig ituk heheg,

Lukas 17:19

eke fobik inim yig ituk wilil, “Hat hebe minatuk apmihinteg lamihin-o. Hebe hindimuen demat ulug ebetuk ahenteg fam, fano ahen ari lamihin-o,” ulug yig epag.

Lukas 18:42

Yig ituk apagma, eke At Yesusen yig ituk wilil, “Hilanggen fenggen amin-o. Hat an fano nabukag ulug nobam ebetuk ahen etno fam fanorep hahaki-o,” ulug yig ituk apagma,

Lukas 7:50

At Yesusen hwe etno yig ituk wilil, “Hat hindi Allah obam ebetuk ahen etno fam hebe hili holehen ari fanoroho hibam lamihin-o,” ulug yig epag.

Lukas 8:48

At Yesusen yig ituk wilil, “Nahaloho-o, hat hindimu An nobam eberepfulug wahenteg fam fano ahen-o, nahaloho wa,” ulug yig ituk heheg,

Yohanes 4:53

Yig ituk apagma, at ikni etnowen indi ebetuk wilil, “Wi, o sono At Yesusen hat hamloho iluk aha-o ulug ilingge jam satu fam yig nitisi etno demat-o,” ulug indi ebetuk apareg, at inimen, eke it omini epmano inimen At Yesus etno demat yig nisaruk-o, ulug obam inindi ebetuk apag.

Kisah Para Rasul 14:9

Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.