Matius 9:2 - Allah Wene Hurumbik Keron

² Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Matius 9:2 ပူးပေါင်းရင်းမြစ်များ

Matius 14:27

Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Matius 6:12

It onggo og nisawag ulug werehon etno inobam inape­legsoho ninapma imbisaruk ahe etno hag, Haren nit dag suruk aheon etno ninobam ninapelegsoho hapma ninombisahin-o.

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Matius 8:16

Ariroho weregma, eke fobik hupmu mo amburuk heheg, it aphe ninen inomini setan inindimu werehon epmano At Yesus ambeg imbisa wapag. Imbisa waharuk apagma, At Yesusen setan etno inenggali watuk apareg lisoko wilip iseheg, eke it yi uk di uk warehon halug fano inabeheg suruk apag.

Matius 9:22

Sen haruk apagma, At Yesus etno olohore dahagsoho ilanggen kolap haruk wilil, “Nahaloho-o, hat hahientoho welamin-o. Hat An nobam eberehen etno fam, hebe fano ahen-o,” ulug yig ituk apagma, ebe arat fano apag.

Matius 9:5

Eke at ap oag mondog elehon du dag sirikinon hobam hapelegsoho imbisalug napma hombahaki-o, ulug ariroho yig irik ano? Eke minatuk apmihinteg, lag-o ulug ariroho yig irik ano? Hiren ariroho yig um fano ulug yig nimiek da.

Matius 9:6

Eke At Allah Amloho etnowen it apheyen dag suruson epmano sohorep isalug inobam inapelegsoho apma imbisawag ulug minduhupfirision etno hiniluk atlihiben, hit hinil fam misig simin-o,” ulug yig isaruk apareg, eke fobik at ap oag mondog elehon etno yig ituk wilil, “Minatuk apmihinteg, hesabul nohorukon du holalug hibam lag-o,” ulug yig epag.

Markus 1:32

Og isaruk apagma, hupmu mo amburuk heheg, it aphe ninen it uk warehon inim, eke it setan inindimu werehon epmano inim og inaplug, At ambeg imbisa wapag.

Markus 10:49

At Yesus etno inim bok atuk apareg, uruk wilil, “Ebe wamagsoho wol iek-o,” ulug yig isaruk apagma, it aphe etnowen at Bartimeus etno yig ituk wilil, “Hat wol haptuk du, minamin-o. Minatuk apmihinteg hahientoho-at ma-o,” ulug wol haruk apagma,

Markus 5:34

Yig itug apagma, At etnowen yig ituk wilil, “Nahaloho-o, hat hindimu An nobam eberepfulug wahenteg fam fano ahen-o. Arat fano ahenteg fam, uk ari hobam aruhu fug-o, nahaloho wa,” ulug yig ituk heheg,

Markus 6:50

Inakol haruk apagma, At etnowen yig isaruk wilil, “An nebe-at waharuk ahi-o. Hinakol nea fug-o. Hinahlahiroho-at welamiek-o,” ulug yig isebag.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 2:25

Ariroho ahla beheg eleg weregma, it ninen aphe inobabut duroho wereg ulug yig um hai atuken yig ereheg eleg-at welapag. Ariroho wereg heheg, At Yesus akeleg-at it yi aphe di aphe inahla burukon etno obog-at iluk welapag-o.

Yohanes 21:5

Ariroho inahla beheg eleg weregma, At Yesusen yig isaruk wilil, “Udag dia, hit ikan misig warehep ano, eleg ano?” ulug yig isaruk apagma, eke it epmanowen yig ituk wilil, “Nit ikan warehe fug-o,” ulug yig epag.

Kisah Para Rasul 14:9

Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

Kisah Para Rasul 19:12

Ariroho surukmu, at Paulusen ilisag ho surukon etno it apheyen waruk atusareg, it aphe uk warehon epmano inobam umburusa. Umburuk atusama, uk warehon epmano fano aheg, eke setan inindimu werehon wilip aheg suruk atusa.

Kisah Para Rasul 23:11

Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.