Matius 9:18 - Allah Wene Hurumbik Keron

¹⁸ At Yesusen awan yig isaruk heheg, it Yahudi ap suon etno At Yesus ambeg waharuk apareg, indibahal yungguksoho kunuk ebag. Kunuk uruk apareg, yig ituk wilil, “An nahaloho fahe arat warahawon etno iluk amag ulug hinggik sen haminen ma-o,” ulug yig ituk apagma,

Matius 9:18 ပူးပေါင်းရင်းမြစ်များ

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 15:25

Yig ituk apagma, at hwe etno ambeg waharuk apareg, indibahal yungguksoho yig ituk wilil, “Nowe-o, Haren nabua nealug nahaloho etno fano nipmihin-o,” ulug yig ituk apagma,

Matius 17:14

Inahla buruk apareg, it aphe anggolo wonggalfahon epmano inambeg suhuluk waharuk apagma, at ap misig Yesus ambeg waharuk apareg, indibahal yungguksoho yig ituk wilil,

Matius 20:20

Eke fobik at Zebedeus udaki inisina etno udaki og inaplug At Yesus ambeg waharuk apareg, olohot fil ut kunuk ulug kino yig epag.

Matius 28:17

Waharuk apareg, it omini nin epmano inindi biren welapahon oke, At ebe inilanggen haruk apareg, obam sembahyang ebag.

Matius 8:2

Ombolim laruk apagma, eke at ap honanggorohon misig etno ambeg waharuk apareg, indibahal yungguksoho kino yig ituk wilil, “Nowe-o, Haren fano nabuk behen halug, Haren fano nabuk hahla behenteg fam ari fano at-o,” ulug yig epag.

Matius 8:25

At etno nohoruk heheg it omini epmano ambeg waharuk apareg, iluk hebag. Iluk haruk apareg, yig ituk wilil, “Ninowe-o, nit waramuog ulug suruk ahe du Haren ninili wimin-o,” ulug yig ituk apagma,

Matius 9:17

Eke e anggen ambusu keron etno ik oag amukon fam honangguk ari hai-o. Amukon etno fam honangguhup halug, ik oag etno dag aruhumu, ambusu honanggo etno supsoho wilip atuk wilil, eleg aruhu-o. Eke ik oag keron etno fam e anggen ambusu etno honangguk ari fano-o. Ariroho honangguhup halug, ik oag etno inim, ambusu etno inim fano welaruhu-o,” ulug yig isebag.

Matius 9:19

At Yesus minatuk apareg, omini epmano ap etno inim mutlug lebag.

Matius 9:24

“Hit hinebe wilip amiek-o. Hole du waraha fug-o. At ebe nohoruk-o,” ulug yig isaruk apagma, it aphe epmanowen ahunda yapag.

Lukas 13:14

Suontepfuruk apagma, ap misig o Allah wene uruk ambeg aso werehon etno At Yesus o hari Sabat fam fano sebag etno ambit haruk apareg, it aphe obog yig isaruk wilil, “Nit nineyabuk holawon etno nininggik enggalimen angge wereg halug, o werleken fano hinabukag ulug waharuk am ari fano. Eke o hari Sabat fam waharuk ahep ari hai-o,” ulug yig isebag.

Lukas 18:18

Eke fobik it Yahudi ap inowe suon misihen yig ituk wilil, “Ninowe-o, Hat wene fanoroho yanggul nisaruk ahenon du, an niluk welamon etno holahuken keroho sik ulug hahla buruk ahen-o?” ulug yig epag.

Lukas 7:2

Waharuk apareg weregma, eke it Roma ap inowe anggimbu indi hunduhukon etno uk wareg wilil, horog warariog ulug suruk apag.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 11:32

Ariroho inahla buruk apareg weregma, at Maria etno Yesus ambeg laruk apareg, ebe ilanggen halug, apma kunuk ebag. Kunuk uruk apareg, yig ituk wilil, “Nowe-o, Hat hebe duma welatlenmen, an nowe etno waratlep fug-o,” ulug yig epag.

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 28:8

Ninim weregma, at Publius ikni etno obam olok suruk wilil, al wanggo surukon etno ibam nohorukmu, at Paulus etno at ap uk warehon etno nohoruk ambeg kuruk atisireg, ungguluag inggik senoko sembahyang uruk atisimu, fano atisi.