Matius 9:15 - Allah Wene Hurumbik Keron

¹⁵ At Yesusen yig isaruk wilil, “Ap misihen hwe warision omini inim waharuson epmano inim wilil, inindi dag atuk buruk ahep ano? Ari eleg-o. Eke fobik at hwe holarision etno walug laruk aruhumu, omini inim waharuson epmano orom nenggeg eleg-at bok welamuhup-o.

Matius 9:15 ပူးပေါင်းရင်းမြစ်များ

Matius 9:14

Eke fobik it at Yohanes aphe ikma belap inaptukon omini epmano Yesus ambeg waharuk apareg, yig ituk wilil, “Nit inim, it Farisi ap inim sembahyang uog ulug orom nenggeg eleg-at welaheon oke, eke Hat homini epmano hag keroho ulug orom naruk wereg-o?” ulug hinog waruk apagma,

Matius 9:16

Eke sum amukon etno dag atuk halug, ket yihikon inim selebensuk ari hai-o. Ket yihikon etno wereg heheg, amuk yihikon etno libiloko amburuk wilil, fobik ele su aruhu-o.

Markus 2:19

Yig ituk apagma, eke At Yesus etnowen yig isaruk wilil, “Hwe onggo waruk wilil, ahun etno wereg heheg, it owe not etnowen esoho nao ano, eleg ano? Ari, at hwe ahun etno wereg heheg, it owe not esoho nao ari fano at-o.

Markus 2:20

Eke fobik at ahun etno o werlekma walug laruk iseheg, it owe not etno orom nenggeg eleg wilil, sembahyang uruk am ari fano-o,” ulug yig isaruk apareg,

Lukas 17:22

Yig isaruk apareg, eke fobik At omini epmano yig isaruk wilil, “Fobik An Allahen minduhup naharision etnowen surukon epmano ninilanggen hulen ulug uhubon oke, o ari sambit hahup fug-o.

Lukas 5:34

eke At Yesus etnowen yig isaruk wilil, “Hwe misig onggo waruk wilil, at ahun etno wereg heheg, at omini epmanowen esoho etno nao ano, eleg ano? At hwe ahun etno wereg heheg, omini epmano esoho inim nao ari fano at-o.

Lukas 5:35

Eke fobik ahun etno walug laruk heheg, omini epmano orom nenggeg eleg wilil, sembahyang mondog uruk am ari fano-o,” ulug yig isebag.

Yohanes 16:6

kidia Anden yi wene di wene epmano yig hisaruk ahimu, hit hinindi mondog dag aha-o.

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Kisah Para Rasul 14:23

it obog aphe inaso welamag ulug ap inaso werehon nin heako minduhup isil lebag. Minduhup isaruk apareg, orom nenggeg eleg wilil, At Allah obam ebetuk isaruk apareg, At Allahen inaso welamag ulug sembahyang ebag.

1 Korintus 7:5

Eke hit hinebe hinim nohuog ulug nambit hambit uruk am fug-o. Eke hit hinindi misig-at wilil, sembahyang ninakeleg siken uruk amuhuken, ulug o misihim hinebe hinakeleg sik welam fano-at oke, eke hinindi oag eleg neken wereg hisalug, at setan etnowen hinindi kahaluk nowen ulug fobik hinim dambuksoho welamuk-o.

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 21:2

Nilanggen harikikon etno, o Yerusalem suon keron etno At Allah boholmen belabik waharukmu harikik-o. Ari hwe duhum fanowon etno hag, o Yerusalem keron etno belabik waharuk­mu nilanggen harikik-o.