Matius 9:13 - Allah Wene Hurumbik Keron

¹³ Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.

Matius 9:13 ပူးပေါင်းရင်းမြစ်များ

Matius 12:3

Yig ituk apagma, eke At Yesusen yig isaruk wilil, “At Daud etno omini inim orom obok heheg wilil sebahon etno wene baleg wereg etna wanesirikip fug ano?

Matius 12:5

Eke misig du at Musaen wene duroho suruk amuk eke duroho suruk am fug ulug ebahon etno wanesirikip fug ano? It ap Allah unde epmano hag o hari Sabat fam nintul nantul at Musaen wene duroho suruk amuk eke duroho suruk am fug ulug yig isebahon etno sahaloko imbisaruk oke, wene dahon etno it inobam umbuk fug-o ulug yig isebahon etna hinapeleg ano?

Matius 12:7

Eke At Allah wene etno fam yig hisaruk wilil, ‘Yi wam di wam waroko An nake ulug umburukon etno namberaken suruk wilil oke, it inobabut fano welamon etno-at nindi welahi-o,’ ulug ebahon etno hit fanoroho hinindi ebetuk atlepmen, it nomini du dag suruk-o ulug winimug yig iselep fug-o.

Matius 19:4

eke At Yesusen yig isaruk wilil, “Hit wene baleg du hinilanggen bikharuk wilil wane suruk ahep fug ano? Bilin At Walhan etnowen ap wal heheg, hweap wal heheg sebag-o.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 3:8

Hit aphe inindi wereg atuson ilitoho ang­gen fano­won-at yihie­k-o.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Markus 12:26

Eke alem it warehon iniluksoho minamon etno farim kidia yig hisamin-o. At Musaen e mulip anggen hahon etno famen hondok ambulpul laharuk ambeg epmano weregma, At Allahen yig ituk wilil, ‘At Abraham Ikni An at-o, eke at Ishak Ikni An at-o, eke at Yakub Ikni An at-o,’ ulug yig epahon etno wene baleg fam wereg etno wanesirikip fureg uruk ahep ano?

Markus 12:33

“Eke ninindi inim, eke yiroho sik diroho sik ninahla buruk aheon epmano inim, eke ninindi ebetuk aheon epmano inim, eke ninebe etno inim obog At Allah og itlug At ninim mondog ninindi hunduhuk welamuk-o. Eke nit ninabua saruk ahe etno hag, it ninomini ninim welaheon epmano inabua isaruk am ari fano-o. Ariroho suruk wilil, At Allah ake wam waroko amben ambianma lawag ulug hondok yaluk ari hai-o,” ulug yig epag.

Markus 2:17

Hinog yig isarukmu, At Yesus esanggo holtuk apareg, yig isaruk wilil, “It aphe uk wareg eleg isalug it ap fano inaptukon epmano inambeg laruk eleg-o. Eke it uk warehon epmano fano ninabukag ulug inambeg lao ari fano-o. Eke An nebe etno it aphe nit fano welahe-o ulug inindi yuhun-at werehon epmano wol isiog ulug waharikik eleg-o. It dag surukon epmano inindi werehep isaruk wilil wol inaptuk ariog ulug-at waharikik-o,” ulug yig isebag.

Lukas 10:26

At Yesusen yig ituk wilil, “Hat Alkitab fam wene embebahon etno hiluk heheg, hat keroho yig hitukmu hahla buruk ahen-o?” ulug yig ituk apagma,

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Lukas 5:31

At Yesusen yig isaruk wilil, “It uk waruk elehon halug, ap fano inaptukon epmano inambeg laruk eleg-o. Eke it uk warehon halug, fano inabukag ulug inambeg lao ari fano.

Lukas 5:32

Eke it ap inindi yuhun-at werehon halug inayonggo imbiog ulug An waharikik fug-o. It dag surukon halug inindi werehep isaruk wilil inayonggo imbiog ulug waharikik-o,” ulug yig isebag.

Yohanes 10:34

Ariroho yig ituk apagma, eke At Yesus etnowen yig isaruk wilil, “Hit wene duroho suruk amuk eke duroho suruk am fug ulug ebahon fam, At Allahen yig hisaruk wilil, ‘Hit hinebe At Allah ilitoho suon welahep-o,’ ulug yig hisebahon Alkitab wene baleg fam wereg-o.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.