Matius 8:27 - Allah Wene Hurumbik Keron

²⁷ Ariroho eleg atuk apagma, it epmanowen fog suruk wilil, “Hiahne inim, ik inim epmano ap du une holoko bok ahesa du, wi, ap ebe sa buruk ahep-o?” ulug uruk apag.

Matius 8:27 ပူးပေါင်းရင်းမြစ်များ

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 15:31

Fano inaptuk apagma, it ap inune elehon etano inune eheg, iniog hunduhukon fano aheg, iniog dahon kwalem laheg, inilanggen buhon fenggen aheg suruk apagma, it aphe obog epmanowen inilanggen isaruk apareg, wi ulug it Israel aphe Inikni Allah etno inuk suontepfebag.

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Matius 8:26

At Yesusen yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?” ulug yig isebag. Yig isaruk apareg, minatlug hiahne etno inim, ik etno inim winimug yig isaruk apagma, aplohok eleg apag.

Matius 8:28

Uruk apareg, ik etno baloko le femag laruk apareg, it Gadara ap inibam lebag. Laruk apagma, it ap biren setan inindimu kebahon etno aphe warehon imbisaruk ambeg o wikmu epmanowen ambeg wapag. Eke it ap etno aphe war inabil nuruk apag halug, it aphe kwalem apma ke lebag fug.

Markus 1:27

Wilip atuk apagma, it obohen wi ulug fog suruk wilil, at misihen eheg, at misihen eheg uruk apareg, “Keroho uruk ahama wilip aha-o? Wene keron ninon-at yangguloko yig nisaruk ahareg, une oag weregsoho-at uruk ahama, at setan etno esanggo holtuk ahareg, wilip aha-o,” ulug uruk apagma,

Markus 6:51

Yig isaruk apareg, so fam inambeg kebag. Kuruk apagma, hiahne etno aplohok eleg apag. Eleg atuk apagma, it epmanowen wi ulug inakolen fog sebag.

Markus 7:37

Yig isarukmu it aphe nin inesanggo holtuk apareg, uruk wilil, “Wi, yi angge di angge fano surukon duen inesanggo dohuon husip iseheg, inune elehon werehap iseheg suruk du wi,” ulug inakol haruk wilil, fog suruk apag.