Matius 8:20 - Allah Wene Hurumbik Keron

²⁰ Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Matius 8:20 ပူးပေါင်းရင်းမြစ်များ

Matius 12:32

Eke it ninen wene dahon An Allahen minduhup naharision etno nobam umburuk isalug, At Allahen inobam inapelegsoho sohorep isalug, apma imbisahu oke, eke it ninen wene dahon At Roh Kudus obam umburuk isalug, At Allahen kidia inim, fobik inim inobam inape­legsoho apma imbisahu fug-o,” ulug yig isebag.

Matius 12:40

Eke at Yunus etno inggik henahan ikan suon ahla yonggareg welapag etno ilitoho, An Allahen minduhup naharision etno ninggik henahan kwean undama welaruhuk-o.

Matius 12:8

Eke o hari Sabat etno unde wereg ari, An At Allahen minduhup naharision etno-at wela­hi-o,” ulug yig isebag.

Matius 13:37

Yig ituk apagma, At Yesusen yanggul isaruk wilil, “Ap i angge fanowon yapag etno hag, At Allah Amloho-at wereg-o.

Matius 16:13

Inahla buruk apagma, At Yesus etno o Kaisarea Filipi aliluke epmano laruk apareg, At omini epmano yig isaruk wilil, “It aphe dumen An Allahen minduhup naharision etno farim sa ulug uruk-o?” ulug yig isaruk apagma,

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 17:9

Ini­langgen halug, fobik bunumu epmanowen ambik waharuk apareg, At Yesusen yig isaruk wilil, “An hinilanggen neyehebon etno aphe yig isa fug-o. An Allahen minduhup naharision etno fobik aphe warehon wereg ambeg epmanowen niluk atlug waharuk nealug yig isahuben-o,” ulug inesanggo wapag.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 12:8

At Yesusen yig isaruk wilil, “It obohen an Yesus omin welahi-o, ulug selegmaroho urukon halug, An Allahen minduhup naharision etnowen it Allah malaikat inil fam du An nomin ulug ariroho uhuk-o.

Lukas 18:8

Dulum-at yalmako imbisaruk aruhureg, inili wahu-o. Inili wahuon oke, fobik An Allahen minduhup naharision etno o kweanma duma ambik waruhukseg, it aphe An nobam ebetukon epmano inebe nilanggen isahuk ano, eleg ano?” ulug At Yesusen yig isebag.

Lukas 2:12

At etno obam fanoroho ebetlihiben yig hisik-o. Udag ket endag ahaon etno sum fam yinggiloko wam inaharom umburuk ambeg e belareg etno fam weregma hinilanggen bik ha lalihip-o,” ulug yig isebag.

Lukas 2:16

Uruk apareg, it epmano dulum-at laruk apag. Laruk apareg, it Maria, Yusuf etano udag endoko wam inaharom umburuk ambeg e belareg etno fam embebareg weregma inilanggen isebag.

Lukas 2:7

Fanggog uruk apagma, amloho manggia ap angge-at endepag. Endetuk apareg, o it aphe nohoruk ambeg epmano kolo elehen Udag etno sum fam yinggiloko wam inaharom umburuk ambeg e belareg etno fam embebag.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Lukas 8:3

eke misig at Yohana, ahun Khuza at Herodes inim inowe neken wilil yabuk surukon uhwe etno inim, eke misig at Susana etno inim, eke hweap anggolo At Yesus omini inim ineyabuk surukon epmano inim lebag.

Lukas 9:58

Yig ituk apagma, At Yesusen yig ituk wilil, “Bak halug, inielma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Yohanes 1:51

Yig ituk apareg, it omini obog epmano yig isaruk wilil, “Eke fobik bohol etno healeg weregma, it Allah omalaikat epmano At Allah Amloho etno obam ambik waheg, lahakeg surukmu hinilanggen isahup-o,” ulug yig isebag.

Yohanes 12:34

Yig isaruk apagma, eke it aphe epmanowen yig ituk wilil, “Amuk at Musaen Kristus ahurumbik yig nisebag etno, At ebe waraheg eleg iluk mondog-at welaruhu ulug yig nisebahon oke, Haren At Allah Amloho etno imbik lahakup ehen ari, keroho ulug ehen-o? Eke At Allah Amloho ehen ari, sa farim ehen-o?” ulug yig epag.

Yohanes 13:31

At Yudas etno wilip atuk apagma, At Yesusen yig isaruk wilil, “An Allahen minduhup naharision suon welamag ulug minduhup nahukon etno arat fanggog ehek-o. Ariroho fanggog uruk wilil, Anden sukon etno fam At Allah inuk suontepfukon etno inim-at fanggog ehek-o.

Yohanes 3:13

Eke at ap misig etno o boholma lahabag fug-o. An Allahen minduhup naharision etno hag boholmen ambik waharuk seyag-o.

Yohanes 3:14

Eke bilin o limu aphe eleg ambeg epmano at Musaen walo etno e fam homako minduhupfebag etno hag, fobik An Allahen minduhup naharision etno e fam lenggaloko minduhup nahakup-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:53

Hinog waruk apagma, At Yesusen yig isaruk wilil, “Ari halug, An wene demat uruk amon etno yig hisamin-o. Hiren At Allah Amloho etno amep nenggeg, ebe nenggeg suruk eleg hisalug, hiniluk welamon etno holahup fug-o.

Yohanes 6:62

An Allahen minduhup naharision etno o bilin welaheyag ambeg epmano laharukmu, hinilanggen neyelepmen, keroho elep-o?

Kisah Para Rasul 7:56

Ariroho weregma isaruk apareg, yig isaruk wilil, “Bohol healeg ambeg lema At Allah Amloho etno Ikni inggik bikit fil inim weregma isaruk ahi-o,” ulug yig isebag.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.