Matius 8:2 - Allah Wene Hurumbik Keron

² Ombolim laruk apagma, eke at ap honanggorohon misig etno ambeg waharuk apareg, indibahal yungguksoho kino yig ituk wilil, “Nowe-o, Haren fano nabuk behen halug, Haren fano nabuk hahla behenteg fam ari fano at-o,” ulug yig epag.

Matius 8:2 ပူးပေါင်းရင်းမြစ်များ

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Matius 13:58

Yig isaruk apareg, ahla buruk wilil, it aphe duma An nobam ebetuk eleg hihi-o, ulug ahla buruk apareg, o epmen Aren sukfuganggeroho sukon etno nin hai apag.

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 15:25

Yig ituk apagma, at hwe etno ambeg waharuk apareg, indibahal yungguksoho yig ituk wilil, “Nowe-o, Haren nabua nealug nahaloho etno fano nipmihin-o,” ulug yig ituk apagma,

Matius 18:26

Yig isaruk apagma, at anggimbu etno indibahal yungguksoho at owe etno ambeg kunuk uruk apareg, yig ituk wilil, ‘Nowe-o, an ariroho seko nombahukon etno orog-at sin-o. Eke an fobik naharek wereg atuk halug, obog-at og hiruhuk-o,’ ulug yig ituk apagma,

Matius 2:11

Inahien anggolo haruk apareg, uma etno kebag. Kuruk apareg, udag etno isina Maria inim we­regma, haruk apa­reg, heahi watuk wilil kunuk ulug obam sem­ba­hyang ebag. Sembahy­ang uruk apareg, emas, mur, kemenyan amben fanowon walug wapahon epmano honang­goko og epag.

Matius 20:20

Eke fobik at Zebedeus udaki inisina etno udaki og inaplug At Yesus ambeg waharuk apareg, olohot fil ut kunuk ulug kino yig epag.

Matius 26:6

Wene baltuk apagma, At Yesus etno o Betania at Simon ahap honanggorohon ibam etno welapag.

Matius 28:17

Waharuk apareg, it omini nin epmano inindi biren welapahon oke, At ebe inilanggen haruk apareg, obam sembahyang ebag.

Matius 28:9

Yig isa larukmu, At Yesus etno hetnogsoho inim salkal uruk apareg, yig isaruk wilil, “Wa naholani,” ulug yig isaruk apagma, it etano ambeg waharuk apareg, iog seneg wilil, ake sembahyang ebag.

Matius 4:9

Laha­bareg, o kwe­anma o ahik ya da o faleg fanowon heag ituk wilil, “Hat hi­langgen hehenon ari obog-at og hipminen, kunuk ulug an nobam sembahyang in-o,”

Matius 8:1

Yig isaruk apareg, eke fobik At Yesus etno dom famen ambik waharuk apagma, it aphe dohaleg welapahon epmano ombolim lebag.

Matius 8:25

At etno nohoruk heheg it omini epmano ambeg waharuk apareg, iluk hebag. Iluk haruk apareg, yig ituk wilil, “Ninowe-o, nit waramuog ulug suruk ahe du Haren ninili wimin-o,” ulug yig ituk apagma,

Matius 9:18

At Yesusen awan yig isaruk heheg, it Yahudi ap suon etno At Yesus ambeg waharuk apareg, indibahal yungguksoho kunuk ebag. Kunuk uruk apareg, yig ituk wilil, “An nahaloho fahe arat warahawon etno iluk amag ulug hinggik sen haminen ma-o,” ulug yig ituk apagma,

Lukas 4:27

Eke at nabi Elisa etno weregma, it Israel ap anggolo honanggoreg welapahon oke, sohorep isalug at ap huso o Siriaon inuk Naaman etno-at fano sebag-o,” ulug At Yesus etnowen yig isebag.

Yohanes 9:38

eke at ap etnowen yig ituk wilil, “Ari halug, Nowe-o, anden Hat hobam-at ebetuk ahi-o,” ulug yig ituk apareg, At Yesus olohotma indibahal yungguksoho kunuk ebag.

Kisah Para Rasul 10:14

at Petrus etnowen yig ituk wilil, “Eleg-o, Nowe, yi angge di angge obog uson ulug embebahon epmano an naruk ahi fug-o,” ulug yig ituk apagma,

Kisah Para Rasul 10:25

Inaso weregma, at Petrus etno ibam kiog ulug surukmu, at Kornelius etnowen ut kunuksoho indibahal fam at Petrus ambeg horogsoho wilil heahi wapag.

1 Korintus 14:25

aren indimu herako ebetukon epmano selegma atuk aruhureg, ut kunukseg wilil, o duma At Allah ebe demat hinim welahep hisihi-o, ulug At Allah obam sembahyang uhu-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.