Matius 8:11 - Allah Wene Hurumbik Keron

¹¹ Eke misig du hinindi eberiek-o. It aphe anggolo emu filon inim, ahamu filon inim waharuk amuhupseg, it Abraham, Ishak, Yakub inim boholma At Allah weregma epmano e daleg etno fam horieg welamuhup-o.

Matius 8:11 ပူးပေါင်းရင်းမြစ်များ

Matius 21:41

it etnowen yig ituk wilil, “At ebe waharuk aruhureg, it ap dag sebahon etno warep isaruk aruhureg, eke it nin fobik anggur onggo bal imuhubon etnowen-at yabuk aso welamag ulug heako imbisahureg, ohop isahu-o,” ulug yig epag.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Lukas 12:37

Eke at inowe etno waharuk atlug, it anggimbu epmano iniluk wilil aso weregma ilanggen isaruk atlug, nanggimbu fanowon ulug yig isaruk-o. Eke aserlog keteroho wansalug, ninim horie ulen ulug inaso welaruhu-o.

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Kisah Para Rasul 10:45

Belabik waharuk apagma, at Petrus inim, eke it Yahudi ap o Yopeyen inim wapahon epmano inimen, “Wi, it aphe duma Yahudi wene etno inapelehon oke, At Allahen Roh Kudus og isaruk-o,” ulug fog suruk apag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

1 Korintus 15:20

Eke kidia, At Kristus it warehon wereg ambeg epmano inanggelegmen bilin arat minduhupfebag-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

Wahyu 7:6

eke it inungguluag Asyer ap epmano inebe dua belas ribu inim, eke it inungguluag Naftali ap epmano inebe dua belas ribu inim, eke it inungguluag Manasye ap epmano inebe dua belas ribu inim,