Matius 7:22 - Allah Wene Hurumbik Keron

²² Eke fobik o ari sambit it aphe anggolo epmanowen yig nituk wilil, ‘Ninowe-o, Hat hinuk fam wene yig isaruk soag etno Hat hapeleg ano? Eke Hat hinuk fam yi angge di angge obog-at sukfuganggeroho suruk soag epmano Hat hapeleg ano?’ ulug yig nimuhup-o.

Matius 7:22 ပူးပေါင်းရင်းမြစ်များ

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Matius 24:36

Yig isaruk apareg, eke fobik yig isaruk wilil, “Eke ebe suhu etno maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg at-o. Eke An Allahen minduhup naharision etno napeleg at-o. Eke At Ninikni akeleg-at iluk-o.

Matius 25:11

Ariroho weregma, it holani nin epmano waharuk apareg, inune suon uruk wilil, ‘Ninowe-o, sok hut nisimin-o,’ ulug uruk apagma, at ap hwe onggo wiog ulug sebahon etnowen yig isaruk wilil, ‘Hit sandeg-o?

Matius 7:21

Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Lukas 10:12

Eke At Allahen bilin o Sodom etno dorat war inapahon oke, eke it aphe nin inambit hun hinaptukon epmano inaren baltuk atlug inabua heheg eleg mondog-at war inabuhu-o,” ulug yig isaruk apareg, lahap isebag.

Yohanes 11:51

Ariroho yig isebag ari, at akeleg-at ahla buruk apareg yig isebag fug-o. At ebe tahun misig etno fam Allah unde inowe suon welapag etno fam, At Yesus it Yahudi ap inake wararuhu ulug hurumbik-at yig isebag-o. Ariroho yig isebag ari, it Yahudi ap inakeleg-at inake wararuhu ulug yig isebag fug-o.

1 Tesalonika 5:4

Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

2 Tesalonika 1:10

Eke At etno o ari sambit waharuk aruhumu, it udaki At obam ebetukon epmanowen inuk mondog suontepfuruk amuhup-o. Eke hit hag wene yig hisaruk atukukon epmano eberoko waruk ahep etno fam, At Yesus inuk suontepfuruk amuhup-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 1:18

Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.