Matius 7:21 - Allah Wene Hurumbik Keron

²¹ Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Matius 7:21 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 18:19

Ari halug, misig du inim-at yig hisaruk ahi-o. Hit biren o kweanma dumen alem ari sukag ulug ninebe dambuksoho sembahyang ul-o, ulug uruk hisalug, at An Nikni boholmon etnowen hit hinake ariroho-at suhu-o.

Matius 18:3

Minduhupfuruk apareg, yig isaruk wilil, “Hit hinahla fanoroho ebetuk amiek-o. Hit hinindi udag doron ari ilitoho welamuhup fug halug, At Allah weregma kuhup fug-o.

Matius 18:35

Ariroho sebag etno hag, hit obog hinakeleg sik hinindien it hinomini nin dag surukon epmano inobam inapelegsoho imbisahup fug halug, At An Nikni boholmon etnowen hit ariroho-at war hinabuhu-o,” ulug At Yesusen yig isebag.

Matius 19:24

Eke misig du yig hisamin-o. Wam unta etno ahin ele doron fam kuk hai etno hag at ap aharek yi angge di angge anggolo werehon etno At Allah weregma kuk hai-o,”

Matius 25:10

Yig isaruk apagma, it holani inebe urunangge epmano minyak hunsa laruk iseheg, at ap hwe onggo wiog ulug sebahon etno arat wapag-o. Waharuk apareg, it holani inindi enggaron epmano at inim o esoho esetuk ambeg epmano kuruk apareg, sok laroko welapag-o.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Markus 3:35

At Allahen une yig isarukon etno inesanggo holtukon halug ari, An nisina nosi-at wereg-o,” ulug yig isebag.

Markus 9:47

Eke hinilanggenen dag suruk ahebon halug, femag fil huliloko imbiuk-o. Femag huliloko umbulug At Allah weregma kuk ari fano-o. Eke hinilanggen femag femag wereg halug, o hondok olokma hinombisahuk ari hai-o.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 13:25

Eke it ninen kulen ulug suhubon oke, at ibam unde werehon etno minatuk aruhureg, sok laruhu-o. Latuk aruhumu, hit aphe epmano selema fil wilil, sok kik haruk amuhupseg yig ituk wilil, ‘Ninikni-o, nit sok hut nisimin-o,’ ulug yig ituk amuhupmu, At etnowen, ‘Hit kemen wahep-o. Hinolohore An napeleg-o,’ ulug yig hisahu-o.

Lukas 18:25

Eke wam unta etno elele doron fam kuk hai etno hag, it aphe inaharek yi ange di angge werehon epmano At Allah weregma kuk hai-o,” ulug yig isaruk apagma,

Lukas 6:46

Eke fobik At Yesusen yig isaruk wilil, “Hiren Ninowe, Ninowe yig nituk ahebon oke, eke Anden yig hisaruk ahion etno ilitoho suruk ahep fug du, keroho ulug suruk ahep-o?

Yohanes 14:7

Eke hit kidia An nebe hiniluk atikip etno fam, An Nikni hiniluk atikip-o. Hiniluk atuk atikipseg, kidia hiren At ebe etno hinilanggen haruk wilil, At ebe hiniluk welahep-o,” ulug yig isebag.

Yohanes 15:23

Eke it ap An inambit nearuk etno, At An Nikni etno-at inambit haruk-o.

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 2:13

Eke wene duroho suruk amuk eke duroho suruk am fug ulug ebahon etno inesanggo holtuk isalug-at, ari fam At Allahen alem dahon inobam werehon epmano elehepfuhu fug-o; wene duroho suruk amuk eke duroho suruk am fug ulug ebahon etno ilitoho suruk isalug hag, At Allahen alem dahon inobam werehon epmano elehepfuhu-o.

Efesus 6:6

Eke hit yabuk suruk wilil halug, it inil fam etano-at inahien nisawagsoho fanoroho suk-o ulug hinahla buk fug-o. Ariroho hinahla buruk eleg wilil, eke hit hinebe At Kristus anggimbu welahep etno fam, At Allahen ariroho siuk ulug ebag etno ilitoho nintul nantul yabuk fanoroho suruk amuk-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 4:3

Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

1 Tesalonika 5:18

Eke dahon hinobam embeheg, fanowon hinobam embeheg suruk halug, nintul nantul Hinikni wa ulug uruk amuk-o. Eke At Yesus Kristus inuk fam nintul nantul wa ulug sembahyang uruk amag ulug At Allahen ariroho siuk ulug yig nisarisi-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

Ibrani 4:6

Eke it aphe bilin wene fano wene etno inesanggo holtuk apareg oke, eberoko webag fug etno fam, At Allah inim o kelsaruk ambeg epma kebag fug-o. Kebag fug etno fam, it nin At Allah inim o kelsaruk ambeg epma kuhubon wereg-o.

Yakobus 1:22

Eke Allah wene etno hinesanggo holtuk wilil, arat holehe-o, ulug sohorep isa fug-o. Sohorep isaruk eleg wilil, wene holtuk ahebon etno ilitoho suruk amiek-o.

1 Petrus 2:15

Eke it aphe yuhun-at inenggal urukon epmano inune eleg amag ulug At Allahen, fanoroho suruk amiek-o, ulug yig hisaruk wereg-o.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

Wahyu 2:27

Og isaruk aruhukmu, it etno o kweanma it yi aphe di aphe obog inowesi suon wilil, sohorluk kwean kabog fam sehon epmano sega fam halog suruk etno hag, iren yikangge war inaptuk amag ulug min­duhup isahuk-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 3:5

Eke it inoag weregsoho anduhunmu neken welamuhubon epmano ariroho inasum huluon wantep isaruk aruhukseg, ininuk holal buku iniluk welamon etno fam werehon epmano loluhuk fug-o. Loloko embeheg eleg welaruhukseg, At Nikni inim, eke it omalaikat epmano inim inil fam du An nudaki at-o ulug selegma-at yig isahuk-o.