Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matius 6:9 - Allah Wene Hurumbik Keron

9 At iluk wereg etno fam, hiren sembahyang duroho obam uruk amuhup-o, ‘Allah Ninik­ni boholma welahenon hat hinuk-at suontepfuk-o.

အခန်းကိုကြည့်ပါ။ ကော်ပီ




Matius 6:9
43 ပူးပေါင်းရင်းမြစ်များ  

Eke sue wurle biren etano onggo balu­kon uang anggen dorat umburuk oke, eke At Hiniknien obog sen inaptuk halug, misig kweanma bule amburuk eleg-o.


Eke Hinikni boholmon etno ebe misig-at wereg heheg, o kweanma dumen at misig ninikni suon ulug yig um ari hai-o.


Eke An ik e anggur anggen ambusu etno o duma wilil nahuk fug-o. Fobik At Allah weregma arat laharuk aruhukseg, etlemen e anggen ambusu keron-at hit ninim nahuk-o,” ulug yig isaruk apagma,


eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,


Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.


Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.


Eke hiren it apheyen dag surukon epmano inobam inapelegsoho hinapma imbisahup halug eke At Hinikni boholma werehon etnowen hiren dag suruk ahebon epmano hinobam hinapelegsoho apma hinombisahaku-o.


Eke hit sembahyang uog ulug, halug hinibam baharik undama kulug, sok larepatalug, Hinikni herahoma werehon etno obam sembahyang uruk amuk-o. Ariroho yig ituk hisalug, At Hinikni herahoma harukon etnowen selegma-at onggo fanowon etno og hisahu-o.


Eleg-o. Ari halug, hit dahon etnowen hinudaki yi angge di angge fanowon-at og isaruk ahep halug, At Hinikni boholma werehon etno obam kino urukmu Aren fanowon-at og hisahu-o.


Halug, fobik minatlug nikni ambeg laruk aruhukseg yig ituk wilil, ‘Nikni-o, Allah obam inim, hat hobam inim dahon imbirikik-o.


Hisuruk atisimu, at amloho etnowen yig ituk wilil, ‘Nikni-o, Allah obam inim, hat hobam inim dahon etno imbirikik-o. Ariroho dag sirikikseg fam, an hamloho welam hai atisi-o,’ ulug yig ituk atisimu,


“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.


Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.


Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.


Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.


An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.


Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.


Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.


Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.


Umburuk atusareg, di watuk wilil, “Ninikni Allah wa. It aphe obohen Hat hebe wa ulug suontep hahu­kag-o. Eke Haren yi angge di angge obog wal haruk senag etno fam, hahla bulug yi angge di angge obog iniluksoho imbisaruk senag-o,” ulug di misig urukmu isarikik-o.


di misig inune suon uruk wilil, “Wam Domba Udag etno waroko embebahon oke, niren kidia At oag werehon etno inuk suontepfuk-o. At ebe etno yi angge di angge obog-at unde wilil, indimu ilukon etno niren Ninowe suon ulug inuk suontepfuk-o,” ulug di etno uruk atusama,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ